Nizomiy nomidagi toshkent davlat pedagogika universiteti zamonaviy uzluksiz ta

STEAM ДАСТУРИ ТАЪЛИМ-ТАРБИЯ ЖАРАЁНИНИ ТАШКИЛ ЭТИШНИНГ 
ДОЛЗАРБ МАСАЛАСИДИР 
 
 Маматов Д.Н. – PhD, доцент, Якубова Ҳ.С. – катта ўқитувчи, ТДПУ, Ўзбекистон. 
 
Бугунги кунда халқ таълими тизимида жадал ўзгаришлар олиб борилмоқда. Халқаро 
тажрибалар асосида STEAM (Science, Technology, Engineering, Mathematics) ни жорий 
этилиши бугунги кунда таълим тизимига ёндашувни ўрганиш ва таълимга бўлган 
муносабатини ўзгартиради. STEAM халқаро миқёсидаги ўқитиш дастури бўлиб замон 
талаблари асосида ўқувчиларга таълим-тарбия беришдан иборат бўлиб, бунда умумтаълим 
фанлари бўйича фанлараро боғланиш, интеграциялаш ва амалий ёндашувни кучайтиришга 
қаратилган ўқитиш дастуридир. Бу дастурда ўқувчиларда умумтаълим мактабларида 
ўқитиладиган фанларни ўзаро боғлиқлигини таъминлаган холда мустақил фикрловчи, 
билимларни ўз ўрнида тадбиқ эта оладиган, креативлигини шакллантирувчи, таққословчи 
каби компетенцияларини шакллантиришни кўзда тутади. STEAM ўзига табиий фанлар, 
технология, инженерлик, санъат, ижодкорлик, математика фанларининг амалий жиҳатларини 
умумлаштириб интеграциялашни назарда тутади. Бундай ёндашувдан мақсад – бугунги 
кундаги барча соҳалардаги муҳандис, технолог кадрларга бўлган талабни таъминлашга ва 
STEAM таълим бериш орқали бутун дунё тараққиёти ва иқтисодиётининг барқарор 
ривожланишини таъминлашда мактаб, жамоатчиликни жалб қилиб, илмий саводхонлик, 
рақобатбардошликни тарғиб қилишдан иборат.
Халқаро тажрибалар асосида STEAM ёндашувни жорий этилиши бугунги кунда таълим 
тизимига, таълимга ва ўқитишга бўлган муносабатни ўзгартиради. Ўқувчиларда амалий 
кўникмаларга эътибор қаратиш орқали иродани, ижодкорлигини, мослашувчанлигини 
ривожлантиради ва тенгдошлари билан ҳамкорлик қилишни ўрганади. Бугунги кунда барча 
соҳалардаги ривожланишни ўқув ва касбий фанларни интеграциялаш, STEAM тушунчасисиз 
мутахассисларни тайёрлашга янгича қараш аниқ технологик, мухандислик илми ва 
математикасиз амалга ошириб бўлмайди. STEAM нинг жадал ривожланиши ва таълимга тадбиқ 
этилиши охирги 15 йил ичида бугунги кун жамиятнинг учта талаби билан боғлиқ.
Биринчи талаб Жаҳондаги етакчи давлатлар таълим тизимига ва кадрлар тайёрлаш 
тизимига эътибор қаратиб, касбий тайёргарлик сифатининг тушишининг негатив 

---