Nizomiy nomidagi toshkent davlat pedagogika universiteti zamonaviy uzluksiz ta

 
MUSIQA TA`LIM YO`NALISHIDA- MASOFAVIY TA`LIM SIFAT-SAMARADORLIGINI 
OSHIRISH 
 
Raxmonberdiyeva S.–. o`qituvchisi, TDPU, O’zbekistan. 
 
Annotatsiya: Ushbu maqolada masovafiy ta`lim tizimida musiqa yo`nalishi talabalari 
uchun topshiriqlar tayyorlanishining o`ziga xosliga haqida fikr yuritiladi. 
Kalit so`zlar: sirtqi ta`lim, masofali ta`lim, onlayn, offlayn, axborot-kommunikatsiya, 
texnologiya, veb-tizim. 
Hozirgi kunda butun dunyoning diqqat-e`tibori Covid-19 koronavirus pandemiyasiya 
qaratilgan bo`lib, jahon ilm-fan ahli ushbu kasallik tarqalishining oldini olish va to`xtatish, insoniy 

---

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
446 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ 
talofatni keskin kamaytirish va bu xatardan tezroq qutilish uchun bor intellektual salohiyatini 
safarbar etmoqda.
Muhtaram prezidentimiz Sh.M.Mirziyoyev topshirig`iga muvofiq respublika maxsus 
komissiyasi tomonidan ko`rilayotgan choralar xalqimizning kasallikni yuqtirib olish ehtimolini 
imkon qadar chegaralab, virusli infeksiya tarqalishining oldi olinmoqda va ona xalqimizning 
bunday sinovdan sog`-omon olib o`tish uchun barcha zarur va keskin choralarni amalga 
oshirmoqda.
Koronavirus pandemiyasining ta`sirini kamaytirish bo`yicha oily ta`lim tizimida ham 
muhim qadamlar tashlandi. Oliy va o`rta maxsus ta`lim vazirligi hamda oily ta`lim muassalarida bu 
xalokatli ofat bilan kurashish bo`yicha barcha zarur tadbirlar amalga oshirilmoqda. Yuzaga kelgan 
vaziyat o`quv-tarbiyaviy jarayonlarni masofaviy tarzda davom ettirishni taqozo etmoqda. Bu esa 
albatta barcha professor-o`qituvchilar, talabalar zimmasiga katta ma`suliyatni yuklaydi. Zero, 
muhtaram prezidentimizning “Men bugungi kunda uy sharoitida tahsil olayotgan talaba va o`quvchi 
yoshlarimizga murojaat qilmoqchiman. Aziz farzandlarim uyda vaqtingizni bekor o`tkazmang! 
Onlayn darslarni qunt bilan o`zlashtiring. Kitob o`qing, bilimingizni oshiring, badantarbiya va 
jismoniy mashqlarni bir kun ham qoldirmang”, degan so`zlari barcha talabalarimiz uchun kundalik 
hayot tarziga aylanishi zarur. 
Toshkent davlat pedagogika universiteti respublikada pedagog kadrlar tayyorlash 
sohasida tayanch oily ta`lim muassasasidir. Universitetda masofaviy ta`limni tashkil etishning 
texnik, uslubiy va ilmiy asoslari yaratilgan bo`lib, pandemiya davrida uning amaliy natijadorligi 
yanada oshib ketdi.
Shuni aytish joizki sirtqi, maxsus sirtqi bo`limi, masofaviy ta`lim kafedrasida bu ishlar 
2019 o`quv yilidan boshlab amalga oshirilib kelinmoqda. Talabalar uchun bir o`quv yilida ikki 
marotaba 1 oy davomida o`qishlari, qolgan vaqt esa masofadan turib o‘qitish uchun onlayn ya`ni 
masofadan turib real vaqt rejimida video ma’ruzalar, konsultatsiyalar, nazorat turlarini o‘tkazish va 
offlayn-masofadan turib o‘qitish tizimidagi tegishli o‘quv-metodik resurslarni mustaqil ravishda 
o‘zlashtirish rejimlarida ishlovchi o‘quv jarayoniga moslashuvchi veb-tizim yaratildi va talaba. 
tdpu.uz internet manzili orqali sirtqi bo‘lim talabalarining asosiy ish joyidan ajralmagan holda 
masofadan turib o‘quv rejasidagi barcha fan dasturlarida belgilangan bilimlarni mustaqil 
o‘zlashtirish imkoniyati yaratildi.
Sirtqi, maxsus sirtqi bo`limida musiqa ta`lim yo`nalishida talabalarning o`qitilishi, bu 
yangi tizimning bir qancha qulayliklari va afzalliklari mavjudligini ko`rsatdi. Musiqa ta’limining 
o’ziga xosligi tashkiliy tuzilishi, amaliy ijrochilik faoliyatlari, shuningdek o’qitish usullari, ularning 
samaradorligini ta’minlovchi omillar, vositalar tahlili va ularni umumiy ijodiy – ijobiy jihatlarini 
umumlashtirish musiqa ta’limini o’zigagina xos bo’lgan yangi turlarini ishlab chiqish imkonini 
berdi. Musiqa ta`limi yo`nalishida ushbu ta`lim turning ko‘plab afzallik tomonlari borligi bilan bir 
qatorda musiqa yo`nalishi professor-o`qituvchilariga talabalar uchun ularning ham ijodiy ham 
nazariy bilimlarni baholash imkonini beradigan topshiriqlar tayyorlashda kreativ yondashuvni 
taqazo qilmoqda. Har bir talaba uchun individual topshiriqlar to`plami tayyorlanadi. Topshiriqlar 5 
ta bo`limdan iborat bo`lib, 1-2-3-topshiriqlarda talabaning nazariy bilimlarni baholash imkonini 
yaratuvchi nazorat savollari tayyorlanadi va bu savollarga talaba yozma javob tayyorlaydi. 3-4-
topshiriqlarda amaliy ijro bo`yicha dasturda berilgan asarlar namunasi tuziladi, bunda talabaning 
ijrochilik malakalari aniqlanadi va u bu asarlarni ijro etgan xolatni videorolik orqali namoyish etadi. 
Topshiriqlarning keng qamrovli bo`lishi esa o`z navbatida talabalarni mustaqi ishlashga, izlanishga 
undaydi. Uni bajarish jarayonida axborot texnologiyalari, interfaol usullardan unumli foydalanadi, 
asarlarni ijro texnikasi ustida tinimsiz ishlaydi, kompyuter bilan bevosita muloqot qiladi va o`z 
faoliyatida, dars samaradorligini ta`minlashga tadbiq eta oladigan darajadagi raqobatbardosh kadr 
bo`lib yetishadi. Bu esa bugungi kunning asosiy vazifalaridan biridir. 
Xozirgi sinovli kunlarda talabalarning bir oylik o`qishi ham masofadan turib amalga 
oshirilmoqda. Musiqa ta`lim yo`nalishidagi barcha talabalar o`z uylarida universitet professor-

---