Nigora Erkaboyeva pedagogik mahorat (O‘quv qo‘llanma) Toshkent

PEDAGOGIK TEXNIKA HAQIDA TUSHUNCHA PEDAGOGIK TEXNIKANI SHAKLLANTIRISH USLUBLARI

O‘quv rejasi:

1. 
   Pedagogik texnika va uning tarkibiy elementlari.
   
2. 
   O‘qituvchining ta’lim va tarbiya jarayonlariga ruhan tayyorlanishi va ruhiy barqarorlikka erishish shartlari.
   
3. 
   Pantomimika, mimika va jestlar.
   
4. 
   Nutq texnikasi.
   
5. 
   Pedagogik texnika metodlari vositalari.
   
6. 
   Yosh o‘qituvchilarning pedagogik texnikasidagi kamchiliklar.
   

Tayanch tushunchalar: pedagogik texnika; imo-ishora; ma’noli qarash; istehzoli tabassum; tarbiyalanuvchi ob’ekt; aktyorlik san’ati; integratsion usullar; ilg‘or va novator o‘qituvchilar; ma’naviy va estetik qiyofa; mimika; pantomimika; hissiy holat; o‘qtuvchining anatomik-flziologik xususiyati; ijobiy tarbiyaviy ta’sir; nutq texnikasi.

1. 
   Pedagogik texnika va uning tarkibiy elementlari. Pedagogik mahoratning muhim belgilaridan biri bo‘lgan pedagogik texnika o‘z navbatida o‘qituvchining yuqori texnik malakalarga egaligini ham anglatadi. O‘z mohiyatiga ko‘ra, pedagogik texnika o‘qituvchi tomonidan o‘zlashtirilgan alohida o‘quvchiga hamda ta’lim oluvchilar jamoalariga pedagogik ta’sir ko‘rsatish metodlarini amalda samarali qo‘llay olish uchun zarur bo‘lgan bilim, ko‘nikma va malakalar majmuidir.
   

O‘qituvchi tomonidan pedagogik texnika asoslarining muvaffaqiyatli o‘zlashtirilishi pedagogik mahoratning muhim tarkibiy qismi bo‘lib, unga erishish pedagogika, psixologik hamda amaliy tayyorgarlik bo‘yicha maxsus bilimlarga ega bo‘lishni talab qiladi.
O‘qituvchining pedagogik texnikasi quyidagi maqsadlar uchun xizmat qiladi:

1. 
   pedagogning o‘z diqqati hamda o‘quvchilar diqqatini maqsadli boshqarish;
   
2. 
   pedagogik faoliyatda jarayonning, o‘quvchilar harakatining sur’atini his qilish.
   

O‘qituvchining pedagogik madaniyatga egaligi, pedagogik texnika asoslarini puxta o‘zlashtira olganligi uning yuz ifodasi, erkin, vazmin harakatlari, gavdani to‘g‘ri tuta bilishi, yig‘inchoqligi, imo-ishoraning tabiiyligi, o‘quvchilarga nisbatan e’tiborida yaqqol aks etadi (16-rasm):

8.