Nega bugun yana yiģlading ona? Kòksingga bir mushtni mushlading ona

"Dadajon"

(Yoshligida dadasi tashlab ketgan qiz nomidan)

Ilk qadamimga bòlmay siz guvoh,

Tashlab ketdingizda menda ne gunoh,

Onajonim suyab bòldilar panoh,

Ulģaydi qizingiz bugun dadajon.

Hech kimdan kam qilmadi onam,

Mehrini berdilar, suydilar onam,

Hayotin baxshida qildilar onam,

Ulģaydi qizingiz sizsiz dadajon.

Bilmam bizdan neni ustun bildingiz,

Yetim degan nomni ravo kòrdingiz,

Bizni emas ayting kimni suydingiz,

Ulģaydi qizingiz sizsiz dadajon.

Yòlingiz poylaganda yosh edim juda,

Suyib,erkalashingiz istardim dada,

Mehringizga zor qilib ketdingiz nega?

Ulģaydi qizingiz bugun dadajon.

Kelin libosida turibman mana,

Kòzimda yosh sizni izladim yana,

Hayotda unutilmas axir bu sana,

Bugun ham kelmaysizmi ayting dadajon,

Qizingiz gunohi nedir dadajon.

"Qizaloq"

Orzu osmonida uchgan qizaloq,

O'ylama armonni, ko'rma sarobni,

Beg'ubor qalbingga yarashar shodlik,

Kulib yurgin doim sezma azobni.

O'zgalarda yo'qdur sendagi soflik,

Soxta tuyg'ularga aslo aldanma,

Eng baxtli ondasan qaytmas bolalik,

Afsus qilib keyin sen ko'p qiynalma.

Zamin yarat bugun kelajak uchun,

O'qi izlan axir senda ko'p imkon,

Bag'rin ochar senga bu dunyo-ochun,

Eng baxtli bo'lasan sen bunga ishon.

"Bolam deb..."

Shunday dardli shifoxona hovlisi,

Ortib yana ota-ona qayg'usi,

Eshitmoq istashar farzand kulgusi,

Bolam deb yig'latma onani dunyo,

Bolam deb yig'latma otani dunyo.

To'qqiz oy vujudida asragan,

Qo'liga olganda baxtdan quvnagan,

Farzandi kamolin ko'rish istagan,

Bolam deb yig'latma onani dunyo,

Bolam deb yig'latma otani dunyo.

Turfa xil sovg'a o'yinchoq keltirgan,

Dada deganida baxtidan yongan,

Tug'ilgan kunida elga osh bergan,

Bolam deb yig'latma otani dunyo,

Bolam deb yig'latma onani dunyo.

Olislarda yurgin ketgin endi dard,

Oilaga qaytsin jajji shu farzand,

Suyib-erkalashar yuqtirmayin gard,

Bolam deb yig'latma onani dunyo,

Bolam deb yig'latma otani dunyo.

Yig'latib ko'z yoshin qilmagin daryo,

Quvonch-u shodligin olmagin aslo,

Ne qilsang qilgin-u lek ammo,

Bolam deb yig'latma onani dunyo,

Bolam deb yig'latma otani dunyo.

Qo'llari duoda sog'lik so'rashar,

Allohim ularga dilbandin qaytar,

Armon bilan o'tmasin endi yillar,

Bolam deb yig'latma onani dunyo,

Bolam deb yig'latma otani dunyo.