Нефт ва газни қайта ишлаш кимёвий технологияси” кафедраси

Нефть маҳсулотларининг кислоталигини
ва кислота сонини аниқлаш
Органик бирикмаларни орасида кислота хусусиятига эга бўлганларидан энг кўп учрайдиган С_пН_2п-1СООН таркибли нафтен кислоталарининг хосилаларидир.
Нефть маҳсулотларининг таркибида нафтен кислоталари учрайди. Улар енгил ва оғир нефть маҳсулотларининг таркибида нисбатан озроқ учраб, уларнинг асосий миқдори ўрта нефть фракцияларининг таркибига кирадилар. Юқори температурада қайновчи нефть маҳсулотларида учрайдиган нафтен кислоталарининг молекула массаси ошиб бориб, кислота сони камайиб боради. Нефть маҳсулотларида нафтен ва нафтен-ароматик кислоталар билан бир қаторда тўғри занжирли кислоталар ҳам борлиги тадқиқочилар исботлашган.
Шулар билан бир қаторда баъзи бир нефтларнинг таркибида кислота хусусиятига эга бўлган органик бирикмалар ҳам учрайди-феноллар, крезоллар, ксилоллар ва шуларга ўхшашлар. Булар ишкор эритмаси билан реакцияга киришадилар.
Нефть маҳсулотларини кислоталиги аниқланаётганда органик ва анорганик кислоталарнинг умумий миқдори аниқланади. Одатда нефть маҳсулотларида кўпинча минерал кислоталар учрамаганлиги сабабли, биз асосан органик кислоталарнинг миқдорини аниқлаган бўламиз.
Ишдан мақсад-нефть маҳсулотларининг кислоталигини ва кислота сонини аниқлашдан иборат.
Енгил нефть маҳсулотларининг –бензин, турли эритувчилар, дизель ёқёқилғиси ва шу кабилар-кислоталиги деганда 100 см­­­­­­­­­­­­­­­­­­­­­­­³ нефть маҳсулотини нейтраллаш учун сарфланган КОН нинг мг миқдорини айтамиз.
Сурков мойлари-суюқ ва пластик ҳамда шуларга ўхшаш нефть маҳсулотларини кислота сони деб, 1 г текширилаётган нефть маҳсулотини нейтраллаш учун сарфланган КОН нинг мг миқдорига айтилади.


Ишлатиладиган аппаратлар, реактивлар,
эритмалар
Анализни бажариш учун қуйидагилар ишлатилади: сиғими 250 см³ конус шаклидаги шиша колбалар, колбани оғзига вертикал равишда ўрнатиладиган совутғичлар; узунлиги 700-750 мм, ички диаметри 10-12 мм шиша найчалар, чинни стакан ёки косача.
қум соат-5 мин. вақтни ўлчашга мўлжалланган.
Этил спирти-ректификатни 85%-ли эритмаси. Буни тайёрлаш учун 89 см³ этил спиртини 11 см³ дистилланган сув билан аралаштирамиз.
КОН ни спиртдаги 0,05 Н.-ли титрланган эритмаси.
Сариқ нитрозин индикаторини сувдаги 0.5%-ли эритмаси, бунинг учун 0,25 г индикаторни 50 см³ дистилланган сувда эритамиз.
Дистилланган сув.