Neft va gaz mahsulotlarini tashish va saqlash texnologiyasi

Neft mahsulotlarini pastdan to'kish qurilmasini vagon sisternaga o’rnatish.
Pastdan to'kishda mahsulotlar naviga va oquvchanligi (qovushqoqligi)ga ko'ra, turli markadagi (isituvchili va isituv-chisi bo'lmagan) to'kuvchi-quyuvchi qurilmalar (asboblar) ishlatiladi.
Qovushqoqligi kam bo'lgan neft mahsulotlarini (benzin, kerosin, dizel yoqilg'isi va boshqalarni) pastdan to'kishda, isituvchisi bo'lmagan УСН, ACH turidagi qurilma (asbob)lar ishlatiladi.
Pastdan oqizish uchun sisterna-УСН asbobi — oqizuvchi quvur-umumiy kollektor-nasos-rezervuarlardan tashkil topgan berk tizimi hosil qilinadi va bu tizim orqali mahsulotni pastdan to'kish-quyish operatsiyalari bajariladi. (24-a rasm).

Neft mahsulotlarini pastdan to'kish qurilmasi
25-a rasmda kam qovushqoqli mahsulotlarni isituvchisi bo'lmagan АСН-7Б asbobi yordamida va 25-b rasmda qovushqoqligi yuqori bo'lgan mahsulotlarni isituvchisi bo'lgan АСН-8Б asbobi yordamida vagon-sisternani pastidan to'kishning umumiy chizmasi keltirilgan. АСН-8Б asbobining konstruksiyasi to'kilayotgan mahsulotni isitish hamda sovuq paytlarda temiryo'l sisternasi oqizuvchi asbobning ichki yuzasini bug'lashga mo'ljallangan.

25-rasm. Neft mahsulotlarini pastdan to'kish qurilmalari:
a) ASN-7B; b) ASN-8B; 1 — asosiy tayanch quvur bo'lagi; 2 — harakatlanadigan quvur bo'lagi; 3 — sharnir; 4 — tenglashtiravchi qurilma (moslama); 5 — birlashtiruvchi bosh; 6 — kran; 7— kondensat tarmog'i; 8 —bug' ko'ylagi; 9 — keltiruvchi shlang.
Tepadan to'kishda, hosil bo'liadigan havo to'siqlarini chiqarib tashlash uchun, vakuum nasosi tizimini tashkil qilish kerak bo'ladi (24-a rasm).


Tarqatish qurilmalarini ishlatish
Mahsulotlarni katta partiyalarda, ya'ni avtosisternalarda tarqatish bir nechta seksiyalardan tashkil topgan avtoestakada (quyish bo'limi)larida amalga oshiriladi. Har bir seksiya mahsulotlarni avtosisternalarga quyish uchun mo'ljallangan CH rusumidagi quyuvchi ustunlar bilan jihozlangan. Mahsulotlarni quyishda dispetcher (operator) quyuvchi qurilma va avtosisterna o'rtasida umumiy tizim hosil qilinadi. Bu tizimni ishlatishda barcha xavfsizlik qoidalariga rioya qilish kerak bo'ladi.