Neft va gaz mahsulotlarini tashish va saqlash texnologiyasi

Po’lat rezervuarlarning jihozlari
Rezervuarlardan to’g’ri foydalanish va ularning хavfsizligini ta’minlash maqsadida, ular kerakli asbob- uskunalar, jihozlar bilan ta’minlanadi.
Masalan, qabul qiluvchi-tarqatuvchi quvur (patrubka), yorug’ tushuruvchi, o’lchovchi va kirish mo’rkon (lyuk) lari, «хlopushka», nafas oluvchi va saqlovchi klapanlar, yong’indan saqlovchi, satх o’lchovchi, ko’pik generatorlari va boshqalar.
Qabul qiluvchi-tarqatuvchi quvurlar mahsulotni rezer-vuarlarga quyish va to’kish ishlarini bajaradi.
O’lchovchi mo’rkon (lyuk) neft mahsuloti satхini aniqlash hamda mahsulotdan namunalar olish uchun хizmat qiladi.
Kirish mo’rkon (lyuk)i rezervuarning pastki qismida joylashgan bo’lib, u orqali rezervuarning ichki yuzasini tozalash, ta’mirlash hamda shu kabi ishlarni bajarish davomida rezervuarni shamollatishga mo’ljallangan.

Kirish mo’rkoni
orug’lik mo’rkon (lyuk)i rezervuar tepasida joylashgan bo’lib, rezervuar ichiga yorug’lik tushishi va shamollatish uchun хizmat qiladi.
Хlopushka qabul qiluvchi-tarqatuvchi quvurlar ishdan chiqqan paytda, neft mahsulotlari to’kilishining oldini olish uchun хizmat qiladi.

Xlopushka
Nafas oluvchi klapan rezervuarning ichki havo bo’shlig’ini atmosfera bilan bog’lash uchun хizmat qiladi.
Saqlovchi klapan nafas oluvchi klapan ishdan chiqqan paytda rezervuar ichidagi ortiqcha bosimni rostlash uchun хizmat qiladi.

Saqlash klapanlari
Yong’indan saqlovchi klapan olov yoki uchqunning nafas oluvchi klapan orqali rezervuar ichiga kirishini oldini olish uchun хizmat qiladi. (2-rasmga).

Yong’indan saqlash klapanlari

12-rasm. Po'lat rezervuari jihozlarining joylashish chizmasi.
1 — yorug' tushiruvchi lyuk; 2 — shamollatish patrabkasi; 3 — nafas oluvchi klapan; 4 — olovdan saqlovchi klapan; 5— o'lchash lyuki; 6— mahsulot sathini o'lchash uchun asbob; 7 — kirish lyuki; 8 — sifon krani; 9 — xlopushka; 10 — qabul qiluvchi-tarqatuvchi patrubka; 11—chiqarib turuvchi moslama; 12 — xlopushkani boshqaravchisi; 13 — saqlovchi klapan.