Neft va gaz mahsulotlarini tashish va saqlash texnologiyasi

Rezervuarni kapital ta'mirlash
Rezervuarlarni kapital ta'mirlash talab qilinishiga ko'ra amalga oshiriladi. Uni o'tkazish muddati rezervuar va unga o'rnatilgan jihozlarning texnik holatini kuzatish, tekshirish hamda joriy ta'mirlash natijalariga ko'ra belgilanadi. Aniqlangan ma'lumotlar asosida, rezervuarlar saroyi ishining to'xtovsiz bo'lishini ko'zda tutgan holda rezervuarlarni ta'mirlash jadvali tuziladi. Kapital ta'mirlash ishlari mahsulotlarni batamom to'kish, tozalash va gazsizlantirish ishlaridan keyin bajariladi. Kapital ta'mirlash jarayonida joriy ta'mirlashda ko'zda tutilgan barcha ishlar bajariladi hamda rezervuar korpusi, tagi va qopqog'ining nosoz (yaroqsiz) temir varaqlari (listlari) almashtiriladi; turish holati tiklanadi; asosi (tag yuzasi) va unga o'rnatilgan barcha jihozlar ta'mirlanadi yoki almashtiriladi; mahkamligi va zichligi sinab ko'riladi.
Kapital ta'mirlashda ishlatiladigan barcha materiallar (elektrod, temir varag'i, flans va boshqalar)ning sifat sertifikatlari bo'lishi kerak.
Rezervuar asosi (tagi)dagi jarohatlarni hosil bo'lish sabablari:

• 
  maydon bo'yicha tag yuzaning bir xilda cho'kmasligi;
  
• 
  tag maydon yer zichligining bir xilda bo'lmasligi;
  
• 
  aylanasi bo'yicha rezervuar devorining bir xilda o'tirmasligi va boshqalar.
  

Sinov savollari:
1. Rezervuarlarni ishlatish jarayonida ularning mahkamligining kamayishiga qanday omillar sabab bo’ladi?
2. Rezervuarlarning rejali — oldini olish ta'mirlashda qanday ishlar bajariladi?
3. Rezervuarlarni joriy ta'mirlash qancha muddatda bajariladi?
4. Rezervuarlarni kapital ta'mirlash qaysi holatda olib boriladi?


11-Mavzu: Gaz taqsimlash stansiyalari va ularning tuzilishi.
Mаvzu rejasi:

1. 
   Gaz taqsimlash stansiyalari vazifasi.
   
2. 
   Gaz taqsimlash stansiyasi (GRS) sxemasi
   
3. 
   Nasos qismlarini bo’laklarga ajratish.