Neft va gaz mahsulotlarini tashish va saqlash texnologiyasi

Transformator podstansiyasi ombor tizimini tegishli chastotali tok bilan ta'minlash uchun xizmat qiladi.
Suv quvurlari hudud obyektlarini suv bilan ta'minlash uchun xizmat qiladi.
Materiallar skladi ombor faoliyatida kerakli materiallar zaxirasini saqlaydi va hudud obyektlarini ta'minlaydi.
Neft idishlarini ta'minlash va tayyorlash sexi birinchi toifali omborlarda mayjud bo'lib, turli hajmdagi bochkalar, bidonlar va boshqa turdagi idishlarni tayyorlaydi hamda mahsulotlardan bo'shagan idishlarni ta'mirlaydi.
Yong'inga qarshi xizmat obyekti ombor tizimidagi barcha yong'inga qarshi tadbirlarni amalga oshirish va yong'in sodir bo'lganda uni bartaraf etish ishlarini bajaradi.
AYoQShning tarqatish (taqsimlash) qurilmalari
Mahsulotlarni iste'molchilarga tarqatish (taqsimlash)da quyidagi asbob-uskunalardan foydalaniladi:

• 
  qo'l bilan va avtomatik boshqariladigan tarqatuvchi kranlar;
  
• 
  hajm bo'yicha tarqatuvchi hisoblagichlar;
  
• 
  hajm bo'yicha tarqatuvchi idishlar;
  
• 
  avtomatlashtirilgan to'kuvchi-quyuvchi qurilmalar (ACH, HC lar).
  

Mahsulotlarni iste'molchilarga tarqatish ishlari, omborning operativ hududida, taqsimlovchi qurilmalar va asbob-uskunalar yordamida amalga oshiriladi. Bu qurilmalarga avtoestakada, avtokolonka, quyuvchi, qadoqlovchi va mahsulotlarni avtoma-shinalarga quyuvchi stansiyalar kiradi.
Avtoestakada va avtokolonkalar mahsulotlarni avtotsisternalar orqali taqsimlash uchun xizmat qiladi (13-rasm).

13-rasm. AYoQSh avtoestakadasining chizmasi:
a — fasad (oldindan ko'rinishi); b — ko'ndalang qirqimi: / — narvon; 2 — quyuvchi quvurlar; 3 — estakada; 4 —schyotchik; 5 — diametr; 6 — quyuvchi shlanglar; 7 —buriladigan quyuvchi quvurlar.



AYoQSh avtoestakadasining umumiy ko’rinishi
Mahsulotlarni tarqatish og'irlik va hajm birliklari bo'yicha amalga oshiriladi. Og'irlik usulida (eski usullardan biri hisoblanadi) idishni (avtotsisternani) mahsulot solgunga qadar va mahsulot bilan birgalikdagi og'irligi aniqlanadi. Og'irliklar farqi, tarqatilayotgan mahsulotning massasini ko'rsatadi.
Neft bazasida germetik ulash usulida avtosisternani