Nazariy savollar

- Sh.Muxsinovning harakatlarini huquqbuzarlik sifatida e’tirof etish asoslarini tahlil qiling.
Javob.
Yuqoridagi vaziyatda «BETON SERVIS» MChJ ma’sul xodimi Sh.Muxsinovning harakatlari ma`muriy javobgarlik to`g`risidagi kodeksning 99-moddasida keltirilgan huquqbuzarlik tarkibini beradi. Ushbu norma Shaharsozlik to‘g‘risidagi qonunchilikni buzish bilan bog`liq huquqbuzarlik sanaladi. Ushbu moddaning 1-qismiga asosan “Loyihalash, qurilish-montaj ishlari bajarilayotganda talablarni buzish, shuningdek qurilish sohasida nazorat qilish va yo‘l-qurilish ishlari sifatini nazorat qilish inspeksiyalarining ko‘rsatmalarini bajarishdan bo‘yin tovlash yoki o‘z vaqtida bajarmaslik fuqarolarga bazaviy hisoblash miqdorining besh baravaridan o‘n baravarigacha, mansabdor shaxslarga esa — o‘n baravaridan yigirma baravarigacha miqdorda jarima solishga sabab bo‘ladi.
8-kazus
Toshkent shahar Yakkasaroy tuman prokuraturasi tomonidan fuqarolarning huquq va erkinliklari, jamiyat va davlat manfaatlarini himoya qilish yo‘nalishida fuqaro S.E.Azizovning arizasi yuzasidan tuman DSENM va tuman “Gazta’minot” bo‘limi xodimlarini jalb etgan holda o‘tkazilgan tekshiruv davomida 2020 yil 14 iyul kuni Yakkasaroy tumani, Nukus ko‘chasi, 57-uy, 119-xonadonda istiqomat qiluvchi Muxsinov Sanjar Shomurotovich mazkur xonadonda gaz plitasi bo‘lishiga qaramasdan, gazdan foydalanish qoidalarini buzgan holda, gaz tarmoqlariga o‘zboshimchalik bilan qo‘shimcha ravishda ulanib olganligi natijada 2020 yil 15 iyul kungi holatiga gazdan foydalanganlik uchun qarzdorlik miqdori 1.140.536 so‘mni tashkil etgan.
Huquqbuzar S.Muxsinov sudda, 2020 yil 14 iyul kuni uning vaqtinchalik istiqomat qiladan uyiga Yakkasaroy tuman DSENM va tuman “Gazta’minot” bo‘limi xodimlari kelib o‘zlari tanishtirib, tekshiruv e’lon qilishganligi, tekshiruv davomida uning xonadonida gazdan foydalanish qoidalarini buzgan holda, gaz tarmoqlariga o‘zboshimchalik bilan qo‘shimcha ravishda ulanib olganligini aniqlashganligi va ushbu harakatlari to‘g‘risida tegishli bayonnoma tuzishganligi, hozirgi kunda qilgan ishidan pushaymonligi, ushbu harakatlarni moddiy jihatdan qiynalganligi sababli qilganligi, yengilroq jazo tayinlanishini so‘rab ko‘rsatuv bergan.