Назарий ўқув машғулотнинг ўқитиш технологияси

Вазият таҳлили (SWOT-таҳлил)

Сиз ўз бизнесингизнинг концепциясини аниқлаганингиздан кейин, уни тестдан ўтказишингиз керак. Кучли ва кучсиз томонларини, имконият ва хавфларини аниқлашингиз керак. Бу тестдан ўтказиш SWOT-таҳлил ёки вазият таҳлили дейилади.
SWOT сўзи қуйидаги сўзларнинг қисқартирилган вариантидир: Strenght ( Кучли томонлар)
Weakness (Кучсизтомонлар) Opportunities (Имкониятлар) Threats (Хавфлар)
Вазият таҳлили – кучли (S), кучсиз (W) томонларни, имкониятлар (O) ва хавфлар ( Т) ни ўрганиш бўлиб, компаниянинг, унинг товар ва хизматларининг муваффақиятли илдамланишига таъсир кўрсатади. SWOT- таҳлил –компаниянинг бозорда самарали ёки самарасиз ишлаш сабабларини аниқлаш имконини беради, у лўнда ва қисқа ахборот таҳлили бўлиб, унинг асосида ташкилот қайси йўналишда бизнесни ривожлантириши кераклиги ҳақида хулоса қилинади. Бундай таҳлилни ўтказиб, ўз бизнесингизга, сиз ички томондан, назар солишингиз: кучли ва кучсиз томонларни аниқлашингиз ҳамда уларга таъсир қилиш имкониятига эга бўлишингиз мумкин.
SWOT-таҳлил қуйидаги саволларга жавоб беришга ёрдамберади:

• 
  Компания ўзининг кучли томонларини ёки фарқли афзалликларини ривожланиш стратегиясида қўллайдими? Агар компания афзалликларга эга бўлмаса, унинг потенциал кучли томонларидан қайси бири бундай вазифани бажариши мумкин?
  

• 
  Компаниянинг кучсиз томонлари рақобат жараёнида унинг нозик жойи бўлиб қоладими ва маълум бир қулай ҳолатларни қўллаш имкониятини бермайдими? Қайси бир кучсиз томонларни, аввало, бартараф этишга уриниш керак?
  

• 
  Қандай қулай имкониятлар компания муваффақияти учун реал имкониятларни беради?
  
• 
  Қайси хавфларни ўта жиддий деб ҳисоблаш мумкин ва уларни бартараф этиш юзасидан қандай ишларни амалга ошириш керак?
  

Кучли томонлар (Strengths) – ташкилотнинг афзалликлари. Масалан, кучли томонларга рақобатчиларнинг камлиги, кўрсатаётган хизматларингизнинг рақобатчиларникига қараганда сифатли эканлиги, рақобатчиларга нисбатан хизмат соҳасининг кенглиги киради.
Кучсиз томонлар (Weaknesses) – ташкилотнинг камчилиги. Кучсиз томонларга ўта юқори нархлар ёки рекламага маблағ ажратиш имкониятининг йўқлиги мисол бўла олади.
Имкониятлар (Opportunities) – ташқи муҳим омиллари бўлиб, улардан фойдаланиш ташкилотга бозорда афзалликлар туғдиради. Масалан, қулай имкониятларга худди шундай компаниянинг мазкур ҳудудда (шаҳар/туманда) йўқлиги киради.
Хавфлар (Threats) – ташкилотнинг бозордаги ҳолатини кейинчалик оғирлаштирувчи омиллар. Хавфлар – сизнинг бизнесингиз ривожига
тўсқинлик қилувчи барча нарсалар. Масалан, солиқ ортиб бориши билан кўрсатилган хизмат баҳоси ҳам ортади.