Navoiy innovatsiyalar instituti «tasdiqlayman» Navoiy innovatsiyalar instituti rektori

O‘quvchilarni tavsiyanoma yozishga o‘rgatish. Tavsiyanoma ham tavsifnoma singari o‘quvchilar nutqini rivojlantirishda muhim ahamiyat kasb etadi. Tavsiyanomalar ayrim jihatlari bilan tavsifnomalarga o‘xshaydi. Ularning har ikkalasida ham shaxsning xususiyatlari: qiziqishi, layoqati, fikrlay olish darajasi, ishchanligi, o‘z ustida mustaqil ishlay olishi kabilar o‘z ifodasini topadi. Ammo tavsiyanomada shaxsning xususiyatlari to‘g‘risida fikr yuritish bilan bir qatorda, uning ma’lum bir vazifani uddalashiga ishonch bildiriladi va tavsiya etiladi.
O‘quvchilarni taklifnoma yozishga o‘rgatish. Taklifnoma o‘quvchilar faoliyatida keng qo‘llaniladigan ish qog‘ozlaridan biri bo‘lib, undan muayyan shaxsni biror tantanali tadbirga taklif etish maqsadida foydalaniladi. Ish qog‘ozining bu turi bilan o‘quvchilarni 5-sinfda «Grammatika va leksikologiyadan dastlabki ma’lumotlar» bo‘limini o‘rganish jarayonida tanishtirish maqsadga muvofiqdir. O‘quvchi taklifnoma yozish uchun taklif qilinayotgan shaxsning, muassasaning nomi, qanday tadbirga taklif qilinayotganligi, tadbirni o‘tkazish sanasi va vaqti, o‘tkazilish joyi, tadbirni tashkil etuvchi muassasa nomi kabilarni bilishi shart.
O‘quvchilarni ishonchnoma yozishga o‘rgatish. Ishochnoma ma’lum bir tashkilot yoki ayrim shaxslar nomidan ish ko‘rish uchun ikkinchi bir shaxsga berilgan yozma ruxsatnomadir. Ona tili mashg‘ulotlarida o‘quvchilarni ham shaxsiy, ham rasmiy ishonchnomalar yozishga o‘rgatishga to‘g‘ri keladi. Bolalar shaxsiy ishonchnomalarda ishonch bildiruvchining ismi, otasining ismi va familiyasi, ishonchli shaxsning to‘liq nomi, topshirilgan vazifalarni faol bajarishini aniq ko‘rsatishni unutmasligi, ishonchnoma, albatta, ishonch bildiruvchi tomonidan imzolanishi, berilgan vaqti ko‘rsatilishini o‘qib olishlari lozim. Bu hujjatning yana bir muhim xususiyati unda ishonch bildiruvchi shaxsning imzosini tasdiqlagan shaxsning lavozimi qayd etilishi va imzolanishi, bu imzo esa yumaloq muhr bilan tasdiqlanib, uning sanasi ko‘rsatilishini ham bolalar bilishlari kerak.
O‘quvchilarni rasmiy ishonchnoma namunalari bilan ham tanishtirish maqsadga muvofiqdir. Chunki bunday ishonchnomalardan ular kelajakda maktabni tugatgach, ishlab chiqarish jarayonida ko‘p foydalanadilar. Bu hujjat, asosan, moddiy-buyum boyliklarini olishda qo‘llaniladi. O‘quvchlar unda, albatta, tashkilot rahbari va bosh hisobchisining imzosi bo‘lishi hamda bunday ishonchnomalardan shu muassasa yoki korxonada ishlaydigan kishilargina foydalana olishini bilishlari kerak. O‘quvchilarni ishonchnoma matni bilan «Gapda bog‘lanmagan (ajratilgan) bo‘laklar» mavzusini o‘rganish jarayonida tanishtirish maqsadga muvofiqdir. Chunki bunday matnlarda ajratilgan bo‘laklar ko‘p qo‘llaniladi.