Navoiy davlat pedagogika instituti tabiiy fanlar fakulteti geografiya o

 

---

Magnit strelkasining og`ish burchagi. 
Geografik  meridian  -  geografik  qutblarni,  magnit  meridianlari  esa-  magnit 
qutblarini  tutashtiradi.  Yerning  geografik  qutblari  bilan  magnit  qutblari  bir  nuqtada 
joylashgan  emas.  Magnit  qutblarining  biri  Antarktida  qirg`og`ida,  ikkinchisi  Kanada 
orollaridadir. 
Geografik  qutblar  bilan  magnit  qutblari  bir  nuqtada  joylashmaganligidan 
geografik  meridian  bilan  magnit  meridiani  yo`nalishlari  hamma  joyda  ham  bir-biriga 
to`g`ri  kelavermaydi.  Ular  orasida  qandaydir  burchak  hosil  bo`ladi.  Bu  burchakka 
magnit strelkasining og`ish burchagi deyiladi va u (betta ) harfi bilan belgilanadi. 
Magnit  meridianining  yo`nalishi  magnit  strelkasi  yo`nalishiga  to`g`ri  keladi. 
Magnit  strelkasining  shimol  tomoni  geografik  meridiandan  g`arb  yoki  sharqqa  tomon 
og`ishiga  qarab,  uning  og`ish  burchagi  musbat  yoki  manfiy  bo`ladi.  Agar,  magnit 
strelkasi  geografik  meridiandan  sharqqa  og`sa,  og`ish  burchagi  sharqiy  va  ishorasi 
musbat bo`ladi. G`arbga og`sa , og`ish burchagi garbiy va ishorasi manfiy bo`ladi. 
Magnit  strelkasining  og`ish  burchagi  turli  nuqtalarda  turlicha  qiymatga  egadir. 
Magnit  strelkasining  og`ish  burchagi  qiymati  topografik  kartaning  janubiy  ramkasi 
ostida  beriladi.  Undan  tashqari,  magnit  strelkasi  og`ish  burchaklarini  tasvirlaydigan 
maxsus kartalar ham bo`ladi. 
Magnit strelkasi og`ish burchagining qiymati Yer yuzasidagi turli nuqtalarda turli 
qiymatga  ega  bo`lishi  bilan  birga,  ular  vaqt  o`tishi  bilan  ham  o`zgarib  turadi.  Bu 
o`zgarish  asriy,  yillik,  sutkalik  va  tasodifiy  o`zgarishdan  iborat.  Ma’lumki,  Yerning 
magnit  qutbi  asrlar  davomida  o`zgarib  turadi.  Shu  sababdan  Yer  yuzasidagi  har  bir 
nuqtada magnit strelkasining yo`nalishi ham o`zgaradi. Magnit strelkasi taxminan besh 
asr  davomida  geografik  meridiandan  sharqqa  yoki  g`arbga  tomon  22°  gacha  og`adi. 
Magnit strelkasining bu og`ishi asriy og`ish deyiladi. 
Magnit  strelkasining  yillik  og`ishi  81
0
  dan  oshmaydi.  MDH  hududida  magnit 
strelkasi  yil  mobaynida  21
0
  dan  71
0
  gacha  og`ishi  aniqlangan.  Magnit  strelkasining 
sutkalik  og`ishi  geografik  kenglikka  bog`liq.  Yuqori  geografik  kengliklarda  ekvator 
atrofidagiga nisbatan magnit strelkasining sutkalik og`ishi kattaroq bo`ladi. 
M:  MDH  ning  o`rta  qismlarida  strelkaning  sutkalik  og`ishi  15
0
  gacha  yetadi. 
Magnit strelkasining sutkalik og`ishi qishga nisbatan yozda, kechasiga nisbatan kunduzi 
kattaroq bo`ladi. 
Magnit strelkasining tasodifiy og`ishi kosmik va mahalliy hodisalarga, chunonchi 
shimol  shu’lasi,  Quyosh  dog`lari,  vulkan  harakatlari,  kuchli  shamol  va  boshqalarga 
bog`liq bo`ladi va bunda magnit strelkasi 2° gacha og`ishi mumkin. 
Magnit strelkasining og`ishi temir konlari bo`lgan joylarda ayniqsa katta bo`ladi. 
Magnit  strelkasining  keskin  ravishda  og`ishiga  magnit  anomaliyasi  deyiladi.  Bunga 
Kursk va Temirtov magnit anomaliyalari misol bo`la oladi.
 
 
Kompas 
Kompas  eramizdan  avvalgi  IX-asrda  Xitoyda  ixtiro  qilingan.  Hozirgi  vaqtda 
kompasdan sayyohlar, uchuvchilar, dengizchilar, turistlar razvedkachilar, geodezist, topograf, 
geograf va boshqa mutaxassislar gorizont tomonlarini aniqlashda foydalanadilar. Kompaslar 
har xil tuzilgan. 
Maktab kompasi. 

---

Adrianov kompasi. 
Tog` kompasi. 
Joyda  aniq  oriyentirlashda  mukammalashtirilgan  konstruktsiyadagi  kompaslar 
ishlatiladi.  Bunday  kompasga  bussol  deyiladi.  Kompas  bilan  ishlashdan  avval,  uni  tekshirib 
ko`rish kerak, ya’ni: 
1. Kompasning magnit strelkasi sezgir bo`lishi kerak. 
2. Magnit strelkasi tinch turgan paytda u gorizontal holatda bo`lishi kerak. 
3.  Komapasning  magnitlangan  strelkasi  ekstsentrisitet  xatosidan  xoli  bo`lishi  kerak,  ya’ni 
strelkaning  shimoliy  va  janubiy  uchlaridan  olingan  sanoqlar  bir-biridan  180°ga  farq  qilishi 
kerak. 
4. Kompas dioptrlarning markazidan o`tgan tekislik limbning 0° va 180°li diametridan o`tishi 
kerak.  Buning  uchun  biron  chiziqning  azimuti  tekshirib  ko`rilgan  bussol  bilan  o`lchanadi. 
So`ngra  bu  chiziq  azimuti  tekshirilayotgan  kompas  bilan  o`lchanadi.  Shunda  u  oldin 
aniqlanilgan  azimutga  teng  bo`lishi  kerak.  Bu  ikki  azimut  bir-biridan  farq,  qilsa,  unga 
kollimatsiya  xatosi  deyiladi  va  bu  xato  o`lchash  natijalarida  e’tiborga  olindi,  Kompaslar 
qutichasining  (korpusining)  yon  tomondan  arretir  deb  ataladigan  qisqich  bo`lib,  kompas 
ishlatilmaganda  qisqich  bilan  strelkani  ko`tarib  oynaga  tirab  qo`yiladi.  Kompasning  gradus 
bo`laklari chizilgan xalqachasi limb deb ataladi. Andrianov kompasning qopqog`i aylanadigan 
qilib ishlangan. Yo`nalishni nishonga olish uchun qutichaga uchburchak uyilgan va mushka 
o`rnatilgan.  Ularni  dioptrlar  deyiladi.  Odatda,  mushkani  -  predmet  dioptri,  kuz  bilan 
qaraladigan  dioptirni  esa  kuz  dioptri  deyiladi.  Dioptrlar  yo`nalishlarni  aniq  nishonga  olish 
uchun xizmat qiladi. Bu kompasning oynasi ustiga direktrisa deb ataladigan chiziq chizilgan. 
Direktrisa  kompas  limbidan  sanoq  olish  uchun  xizmat  qiladi.  Tog`  kompasidagi  limbga 
yozilgan gradus qiymatlari soat strelkasiga teskari yo`nalishda yozilgan. Bu kompas bilan (tog 
kompasi)  yon  bag`irlarning  qiyalik  burchagini  o`lchash  uchun  uning  markaziy  o`qi  atrofida 
aylanadigan strelka o`rnatilgan va gradus qiymatlari yozilgan.