Навоий кон-металлургия комбинати

3-МАВЗУ. МУАЛЛАҚ ҲОЛАТДА АВТОГЕН ЭРИТИШНИ НАЗАРИЙ АСОСЛАРИ ВА АМАЛИЁТИ. СУЛЬФИДЛИ МИС БОЙИТМАСИНИ КИСЛОРОД - МАШЪАЛ ПЕЧДА (КФП) ЭРИТИШ

3.1. Шихта материаллари ва уларни эритишга тайёрлаш. КФП жараёни биринчи марта Канаданинг "Коппер Клиф" заводида қўлланган. Жараён "автоген" номини олган, чунки ташқаридан ёқилғини сарфланмайди. Жараён учун керак бўлган иссиқликни экзотермик реакциялардан олинади.

Олмалиқ мис заводида КФП жараёни 1968 йилдан бери қўлланила­ди. Печнинг хажми 580 м, фойдали майдони 120 м, ишлаб чиқиш унумдорлиги - 12 т/м суткасига. Бир суткада печь 2000 т. шихтани кайта ишлашга имкони бор.
КФП ни шихтасига бойитма, флюс ва айланувчи чанг киради. Жа­раён ёрдамида турли моно ва полиметаллик бойитмаларни қайта ишлаш мумкин.
Бойитмаларни минералогик таркиби турлидир. Мис минераллари халькопирит, борнит, халькозин, темир-пирит ва пирротин билан келтирилган.
Бойитмани гранулометрик таркиби 0,147 (100 %) дан 0,043 (90 %) мм гача оралиғида ўзгаради. Фильтрациядан кейин бойитмани нам­лиги 10 - 17 % ташкил қилади.
КФП жараёни бойитмани чуқур оксинтириш ва мисга бой штейн олиш билан боғлиқдир. Бу шлакда нисбатдан катта мис миқдори олиш­га олиб келади. Бундай шлаклар, қуйидагидай, печдан ташқари усул­лар билан қайта ишланади, масалан, электроэнергия ёки флотация усуллари. Шунинг учун КФПда флюсларни қўллаш чеклангандир. Кварц­ли флюсни шлакни таркибида 30 % га яқин кремний диоксиди олиш учун қўлланилади. Ишқор флюс - охак - жудаям кам қўлланади, чунки уни ажратилиши учун қўшимча иссиқлик сарфланиши керак.
Нисбатдан мис кам бўлган бойитмани КФП да қайта ишлаш, жара­ён давомида кўп - кўп хажмда ортиқча иссиқлик ажралиб чиқишига олиб келади. Ҳароратни бошқариш учун катта хажмда кварцли флюсни ишла­тилади. Флюсда нодир металларни борлиги жараённи иқтисодий самарадорлигини таъминлайди. Олтинли кварц флюсни тахминий таркиби, %: Сu 0,36; SiO₂ 68,6; СаO 1,2; Fe 5,4; Аl₂O₃ 5,5; MgO 0,9; S 0,33.
КФП жараёни давомида катта хажмда чанг ажралиб чиқади (умумий шихтани сонидан 6 - 14 %). Бу чанглар котел - утилизатор ва бошқа чанг ютувчи дастгохларда ушланиб, эритиш печларга қайта юк­ланади.