Навоий кон-металлургия комбинати

3.5. Сульфидли мис бойитмаларини кислородли – машъал печида эритиш (КФП). КФП жараёни дунёда иккита заводда қўлланилади: Канаданинг «Коппер-Клиф» ва Олмалиқ кон-металлургия комбинатида. Жараён «автоген» номини олган бўлиб, ташқаридан ёқилғи ва электр энергия сарфланмайди. Керак бўлган иссиқлик миқдори қайта ишланаётган шихта таркибидаги сульфидларни ёнишидаги экзотермик реакциялар натижасида хосил қилинади.
КФП шихтасига бойитма, флюс ва айланувчи чанг киради. Бойитма таркибида мис халькопирит, борнит, халькозин таркибида, темир-пирит ва пирротин таркибида учрайди.
Флюс сифатида майдаланган олтинли кварц флюси ишлатилади. Таркиби % Cu 0,36; SO₂-68,6; CaO-1,2; Fe-5,4; Al₂O₃-5,5; MgO-0,9; S 0,33. Ушбу флюс кремнийни тўлиқ шлакка ўтказиш учун қўшилади. Бундан ташқари ишқорий флюс-охак ҳам оз миқдорда қўшилади, чунки уни парчалаш учун ҳам қўшимча иссиқлик сарфланиши керак. Охак шлакни ҳосил бўлишини тезлаштиради.
КФП жараёнида айрим холларда кўп ҳажмда иссиқлик ажралиши юз беради, бунда қўшимча олтинли кварц флюсларини қўшиб жараён бошқарилади. лекин бу флюсларни қўллаш чегараланган. Бунга сабаб КФП шлакида мис миқдори кўплиги (1 % гача), яъни олтинни шлак билан исроф бўлиши юз беради. Бундай шлакларни флотация ёки электропечларда эритиб қайта ишлаш мумкин.
КФП жараёни давомида катта ҳажмда чанг ажралиб чиқади (умумий шихтанинг 14% гача). Бу чанглар котел утелизатор ва электролитлар ушланиб, яна печга қайтарилади.
Шихтани эритишга тайёрлашга флюсни майдалаб янчиш, шихта тайёрлаш ва уни қуритиш киради. КФП шихтасига яллиғ қайтарувчи печь шихтасига нисбатан қаттиқроқ талаблар қўяди. Бу талаблар КФП ни технологияси ва хароратни мураккаблиги билан боғлиқ. Шихта компонентлари қатлам қатлам шаклида бир – бирига юкланади ва вертикаль кесимда конвейерларга ташланади. Шихта лентали конвейерларда аралаштирилади.
КФП жараёнини амалга оширишни қатъиян шарти-шихтани ўта қуритишдир. Қуритилгандан сўнг, шихтанинг намлиги 0,5 % дан кам мбўлмаслиги керак, чунки бундан намроқ ширхта йирикроқ бўлиб, КФП талабига жавоб бермайди.
Шихта компонентлари печ ичида бир неча сония давомида учар холатида бўлиши шарт. Ана шу учиш холатида заррачани бутун сирти бўйича оксидланиш реакцияси ўтиб, КФП жараёни амалга оширилади. Шихтани ўта қуритиш учун айланувчан трубасимон печ ёки вертикаль жойлашган қуритиш трубалари қўлланилади.
Қуритиш трубаларини ишлаш принципи трубани паст томонидан катта тезлик билан иссиқ газ юборилади (30-40 м/с). Иссиқ газни оқимига юқоридан нам шихта юкланади. Шихта учиб турган ҳолатда қуритилади, намсизланган кукун трубани юқори қисмига учиб, чанг илиш системаларига юборилади.
Қуритиш трубалари махсус печларда ёқиладиган табиий газ билан иситилади. Трубада газни ҳарорати 300-450⁰С ни ташкил қилади.