Навоий кон-металлургия комбинати

3-жадвал. Лондон метал биржасида мисни ўртача нархи
(долл. 1 тонна нақд товар учун)
Ривожланган давлатлар кенг миқдорда Толлинг системасидан фойдаланилаяпти. Толлинг - бу ривожланаётган давлатдан ҳом ашё сотиб олиб, уни уша ерда, ёки бошқа давлатларда қайта ишлаб, ўзларига тоза маҳсулотни олиб кетишдир. Бундай йўл Ўзбекистонга муносиб эмасдир.
Ишлаб чиқариш имкониятларидан фойдаланиш қуйидаги рақамлар­дан иборат, %:
АҚШ - 85 - 88;
Канада - 95 - 97;
Чили - 901 - 95;
Замбия - 97 - 98.
Ўзбекистон бир йилда 100 - 120 минг тон. хомаки мис ишлаб чиқариш имконияти бор, лекин тозаланган мисни эса 200 - 210 минг тон. ишлаб чиқариш мумкин. Хомаки мисни олишдан уни тозалаш имко­ниятлари кўпроқдир.
Дунёда асосан мис традицион пирометаллургик схема: эритиш - конвертерлаш - тозалаш схемаси асосида олинади. Фақат уни 10 - 12 % гидрометаллургик усули ёрдамида олинади.
Охирги даврларда бир хил давлатларда (АҚШ, ХМД, Австралия, Замбия ва бошқаларда) мисни ҳисобдан ташқари рудалардан гидроме­таллургик усули билан ажратиб олишга ахамият тобора ошиб бормоқ­да. Бу уяли ва ер тагида танлаб эритиш усулларидир.
Қўшма мураккаб рудалардан мисни танлаб эритиш цементлаш - флотация усули билан қайта ишлаш кенг тарқалган (Мостович схема­си).
Ҳамдўстлик давлатларда мис асосан Олмалиқ, Балхаш, Джезказ­ган, Норильск ва бошқа йирик тоғ - металлургия комбинатларида иш­лаб чиқа- рилади. Бу комбинатлар тўлиқ схемаси: кончилик - бойитиш - хомаки мис олиш - уни тозалаш - тайёр маҳсулот олиш қисмлардан иборатдир.
Олмалиқ шароитида ишлаб чиқаришга рудада 0,37 - 0,42 % мис келади. Бу рудадан 16 - 18 % мис бойитмаси олинади. Металлургик печларга юкланадиган шихтани таркибида 14 - 16 % мис бор. Суль­фидли мис бойитмасини икки хил печда: яллиг ва кислород машъал эритилади. Олинаётган штейнда 25 - 40 % мис бор. Бу штейн конвер­терда қайта ишлашиб хомаки мис олинади. Шлак таркибида 0,5 - 0,9 % мис бор. Бу шлак ҳозирги пайтда фақат махсус жойларда сақланиб турибди. Ажралиб чиқаётган технологик газларда печь газларида 2,5 - 3,5 % SO борлиги сабабли, булар очиқ ҳавога чиқарилади ва атроф муҳитни ниҳоятда захарлайди. Яллиғ печни газларида эса 7 % гача олтингугурт бирикмалари бор ва улар сульфат кислотасини олиш учун юборилади.
Замонавий технологиялар асосида Олмалиқ комбинатида 12 компонент ажратиб олинади ва 20 хил маҳсулот ишлаб чиқилади. Ўзбе­кистон саноати мис билан тўла таъминланган, мисни катта хажми хорижий давлатларга экспорт қилиниб республикамизга валюта олиб келади.
Дунё бозорижа 1 тонна мисни баҳоси: катод шаклидаги металл - 1500 - 1700 АҚШ доллари, катанка (сим) шаклдаги эса 3100 - 3200 АҚШ долларини ташкил қилади.
Мис ишлаб чиқаришдаги тахминан сарф - харажатлари қуйидаги рақамларни ташкил қилади, % ҳисобида:
- Кончилик ва бойитиш босқичи - 50,4;
- Эритиш - 33,0;
- Тозалаш - 6,8;
- бошқарув - 4,1;
- транспорт - 4,7;
- бошқа турлари - 1,0.
Эски печларни ўрнига ва янги қурилаётган заводларда фақат замонавий автоген жараёнлар қўлланилиши кўзда тутилган. Бу жараёнлар: ПЖВ (Ванюков жараёни), Финляндиянинг Оутоку­мпу, Норанда, Муцубиси, ТБРЦ ва бошқалардир. Иккиламчи захиралардан тоза мис олиш хам кенг йўлга қўйилаяпти.
Келажакда мисни истеъмоли фақат кўпайиши мумкин. Шуни кўзда тутилган холда Олмалиқ комбинатида янги замонавий печь ишга туши­риши мўлжалланган. Фақат бу печь учун кончилик ишларини кенгайти­риб шихтани кўпайтириш керак.