Навоий давлат кончилик институти корхона жиҳозлари

1.4-расм. Ёпувчи арматураларнинг схемаси:
а-задвижка; б-вентиль; в-кран; г-бураладиган клапан.


Кранлар. Оқимнинг ҳаракат йўналишига перпендикуляр бўлган ўқ атрофида айланувчи жисм шаклидаги ишчи органи (затвори) бўлган арматура кран дейилади. Пробкали кранларнинг ўзи ҳам сальникли ёки гайкали (натяжные) бўлиши мумкин (1.5-расм). Сальникли кранларда прбканигг конус сирти билан корпус ўртасида герметиклик сальникни (тикмани) сиқиш ҳисобига амалга оширилади. Гайкали кранларда пробка корпусга гайка ёрдамида маҳкамланади. Булардан ташқари прокаси Т-симон тешикка эга бўлган уч йўлли кранлар ҳам учрайди. Кранлар пулат, чуян ва жезлардан ясалади.
Кранларнинг афзалликлари: ўлчамлари ва гидравлик қаршилиги кичик; уларни қувурларда ихтиёрий ҳолатда ўрнатиш мумкин. Лекин улар тез-тез мойлаб турилмаса прокаси корпусга ёпишиб қолиши мумкин. Бундан ташқари кранлар тез ёпилади ва бунинг натижасида қувурда гидравлик зарба юзага келиши мумкин.


1.5-расм. Пробкали кранлар:
а-сальникли;1-корпус;2-пробка; 3-тикма; б-гайкали;1-пробка; 2-корпус;3-гайка.

0. 
   Вентиллар. Вентилларнинг ишчи органи текис ёки конус
   

кўринишидаги тарелка, яъни золотник ва эгар ҳисобланади. Золотник билан эгар орасидаги масофа винтли шпиндель ёрдамида ўзгартирилади (1.6-расм). Шпиндель билан золотник ўзаро шарнирли туташтирилади, эгар корпус ичида маҳкамланади. Вентильнинг маховиги буралганда шпиндель-шток золотникни кўтаради ёки туширади. Натижада эгар билан золотник орасидаги масофа ўзгаради. Вентиллар тўғри ( проходной) ва бурчакли бўлиши мумкин. Уларнинг конструкцияси оддий бўлсада қўйидаги камчиликларга эга: гидравлик қаршилиги катта, муҳит фақат бир томонга ҳаракатланганда ишончли ишлайди.
1.6-расм. Вентил:
1 - корпус; 2 - копкок; 3 - шпиндель-шток; 4 - гайка; 5- маховик; 6 - шток билан золотникнинг махкамланиш жойи; 7 - золотник; 8 - эгар
Задвижкалар. Оқимга перпендикуляр ҳолда, маҳкамланувчи сирт бўйлаб силжийдиган пона ёки диск кўринишидаги затворли задвижкалар диаметри 50÷2000 мм бўлган қувурларда ўрнатилади. Шпинделининг ҳаракатланиш характерига қараб задвижкалар айланганда силжийдиган (маховик буралганда шпиндель кутарилади ёки тушади) ва айланганда силжимайдиган ( айланганда понанинг ичига кириб боради ёки чиқади) бўлади. Понали задвижкаларнинг(1.7-расм)понаси кутарилганда ёки тушганда пона эгарнинг маҳкамланувчи халқаси буйлаб силжийди ва бунда задвижка очилади ёки ёпилади. Задвижкаларнинг конструкцияси қўпол, лекин уларнинг гидравлик қаршилиги кичик.

0.