Навоий давлат кончилик институти корхона жиҳозлари

Мажбурий циркуляцияли буғлатиш аппаратлари

Қуюқ, солиштирма оғирлиги катта, қовушоқлиги юқори бўлган эритмалар юқорида баён қилинган буғлатиш аппаратларида буғлатилганда иссиқлик ўтказиш коэффициенти жуда кичик бўлади ва аппаратнинг унумдорлиги пасайиб кетади.

Циркуляцион тезлигини ва иссиқлик ўтказиш коэффициентини ошириш учун мажбурий циркуляцияли буғлатиш аппаратлари ишлатилади. Суюқликларнинг циркуляцияси парракли ёки марказдан қочма насослар ёрдамида амалга оширилади.
Дастлабки буғлатииши керак бўлган эритма иситкич трубаларининг қисмига насос орқали берилади, қуюқланган эритма эса сепараторнинг пастки қисмидан ажратилади. Иситиш трубалари ичидаги суюқликларнинг циркуляция тезлиги 1,5…3,5 м/с ни ташкил қилади. Бундай аппаратлар қуйидаги афзалликларга эга: табиий циркуляция билан ишлайдиган аппаратларга нисбатан иссиқлик ўтказиш коэффициенти 3-4 марта катта, кристалланувчи эритмаларни буғлатганда иситиш юзаси чўкма деярли пайдо бўлмайди. Бу аппаратларнинг камчилиги шундаки, насоснинг ишлаши учун қўшимча энергия сарфланади, эксплуатация қилиш қийинлашади.
Буғлатиш қурилмаларининг иш самарадорлигига қандай омиллар таъсир кўрсатишни англаб етиш учун уларни ҳисоблаш тенгламаларини билиш керак бўлади. Қуйида ана шу боғлиқлар ҳақида қисқача тўхталамиз.
5.2.3. Плёнкали буғлатиш аппаратлари
Бундай аппаратларнинг иситиш камераси орқали эритма бир марта ўтади, яъни циркуляция бўлмайди. Шунинг учун ҳам улар тўғри оқимли аппаратлар ҳам деб юритилади. Плёнкали аппаратларда температурага чидамсиз эритмаларни буғлатиш мумкин. Улар пастга ёки баландга ҳаракатланувчи плёнкали каби турларга бўлинади.
Баландга ҳаракатланувчи плёнкали аппаратларда эритма ускунасининг остки қисмидан киритилади. Диаметри 25 – 38 мм, узунлиги 9 м гача етадиган иситиш трубаларининг 20-25% баландлигида эритма жадал қайнайди. Буғ пуфакчалари йиғилиб тепага ҳаракатланади ва сиртий ишқаланиш туфайли эритмани ҳам кўтаради. Бунда суюқлик трубаларининг ички сирти бўйлаб юпқа қатлам ҳолида ҳаракатланади ва буғланади. Иситиш камерасининг тепасида ўрнатилган сепараторда иккиламчи буғ эритмадан ажратилади ва биринчиси тепа қисмидан, иккинчиси остки ён қисмидан чиқариб олинади.
Бундай аппаратлар иситиш трубалари ичидаги қайнаётган эритманинг сатҳининг маълум бир оптимал қийматидагина яхши ишлайди. Бу сатҳ опатимал қийматидан кичик бўлса, трубаларнинг юқори қисми суюқлик билан ҳўлланмай қолиши ва бу ерда иссиқлик ўтказиш тезлиги кескин камайиб кетиши мумкин. Тескари ҳолатда эритманинг исиш баландлиги кўпайиб, қайнаш қисми камаяди. Маълумки қайнашдаги иссиқлик бериш, иситиш ёки совитишдаги нисбатан анча юқори. Шунинг ҳисобига иссиқлик ўказиш жадаллиги пасаяди.
Пастга оқиб тушувчи плёнкали аппаратларни ишлатиш анча енгил. Бунда эритма иситиш трубаларининг тепа қисмидан махсус мосламалар ёрдамида плёнка ҳолида киритилади ва пастга ҳаракатланади. Трубалар орасидаги майдонга киритилган иститувчи буғ таъсирида юпқа қатлам ҳолида оқиб тушаётган суюқлик буғланади. Эритма ускунанинг остки, иккиламчи буғ эса юқори қисмидан чиқариб олинади.

3.