Namangan muhandislik-qurilish instituti rizaev bahodir shamsiddinovich, qosimov ilhom ma

K i r i sh 
Mustaqillikka 
erishib, 
yuksalish 
sari 
olg‘a 
intilayotgan
mamlakatimizning ko‘pgina hududlarida bir-biridan chiroyli binolar, 
sanoat korxonalari, muhandislik inshootlari qad rostlamoqda. 
Mamlakatimiz iqtisodiyotini o‘stirishda chet el investitsiyalarini kirib 
kelishi munosabati bilan ko‘plab binolar va sanoat inshootlari jahon 
andozalariga javob bera oladigan darajada qurilmoqda. Tabiiyki, bino va 
inshootlarning mustahkamligi va chidamliligi qurilish maydonining 
geologik tuzilishiga ko‘p jihatdan bog‘liqdir.
Geologiya
-yunoncha so‘z bo‘lib, o‘zbek tilida geo-yer, logos-fan
ma’nolarini berib, yerning qattiq qatlamlari haqidagi fandir. Geologlar-
yerning qattiq qismi bo‘lgan litosferani tashkil etuvchi tog‘ jinslarini 
o‘rganish bilan bir qatorda, undagi bo‘ladigan jarayonlarni tekshiradi. 
Geologiyadan olgan bilimlarimizni xalq xo‘jaligining turli sohalarini 
rivojlantirishga yo‘naltirilmoqda. Neft, gaz, ma’danlar va boshqa foydali 
qazilmalarni qidirib topish va ularni qazib olish bilan bog‘liq ishlar 
shular jumlasidandir. Geologiya fanining rivojlanib borishi natijasida 
ko‘pgina turli ilmiy yo‘nalishlar ham mustaqil bo‘lib, ajralib chiqa 
boshladi. Geologiya hozirgi taraqqiyot davrida quyidagi fanlar bilan uzviy 
ravishda chambarchas bog‘langandir:
Umumiy geologiya
-yerdagi tashqi va ichki jarayonlarning sodir 
bo‘lish, rivojlanish va so‘nish qonuniyatlarini o‘rganadi.
Mineralogiya
-yerdagi hosil bo‘ladigan kimyoviy birikmalar- 
minerallar haqidagi fan bo‘lib, ularning hosil bo‘lish tarkibi va qurilish 
xossalarini o‘rganadi. 
Petrografiya
-tog‘ jinslari, tarkibi, kelib chiqishi, yotish sharoiti va 
tarqalish qonuniyatini o‘rganuvchi fandir. 
Tarixiy geologiya
-yerning uzoq o‘tmish tarixini va yer qobig‘ining 
rivojlanish qonuniyatlarini o‘rganuvchi fan bo‘lib, u o‘ziga stratigrafiya 
va paleogeografiya ilmlarini birlashtiradi.