Namangan davlat universiteti «tasdiqlayman»

I. Фаннинг мазмуни
Ўқув фанининг мақсади – магистрантларнинг келажакдаги касбий фаолиятлари учун пухта назарий асос яратиш, хорижий тилларни ўқитиш методикаси билан яқиндан таништириш, касбий фаолиятларида замонавий технологиялардан самарали фойдаланишга ўргатиш.
Ўқув фанининг вазифаси – талабаларни хорижий тилни ўқитишга мўлжалланган ўқув материалларини таҳлил қилиш ва уларни баҳолашга, хорижий ўқув материалларини маҳаллий шароит ва миллий тизимга мослаштириш ҳамда янгиларини ярата олиш, чет тили дарсларини тўғри режалаштириш ва дарс режаларини баҳолаш, дарсларда вужудга келадиган муаммоларни аниқлаш ва унга ечим топа олишга ўргатишдан иборат.
II. Асосий назарий қисм (маъруза машғулотлари)
II.I. Фан таркибига қуйидаги мавзулар киради:
1-мавзу. Лингводидактика фани - тил ўқитишнинг умумий назарияси сифатида: объект ва тадқиқот усуллари
Хорижий тилни ўрганишда барча замон ва маконда устувор бўлган ижтимоий масалалар. Лингводидактика (тил ўқитиш назарияси, тил таълимшунослиги) атама сифатида талаба/ўқувчи ўрганадиган барча тиллар (она тили, иккинчи тили ва чет тили) ни ўқитиш ҳақидаги яхлит фан сифатида шаклланиши ва ривожланиши.
2-мавзу. Лингводидактика фанининг бошқа фанлар билан алоқаси
Лингводидактиканинг тилни ўргатиш назариясининг умумий қонуниятлари ҳақидаги бошқа фанлар билан алоқаси. Тилни ўргатиш/ўрганишнинг методологик асослари. Тил таълимининг мақсадлари, мазмуни, метод, тамойиллариллари, воситалари, илмий тадқиқот методлари,
бошқа фанлар билан алоқалари сингари масалалар. Тил аспектлари (лексика, грамматика, талаффуз материали) ни ва нутқ фаолияти турлари (тинглаб тушуниш, гапириш, ўқиш, ёзув) ни ўргатиш, ўқув жараёнини ташкил қилиш.


3-мавзу. “Лисоний шахс” тушунчаси. “Лисоний шахс” нинг лингвистик ва когнитив тузилиши
Тилшунослик концепциясида тил шахсияти индивидуал онги, дунёқараши билан алоқаси мустаҳкамланиши. Инсоннинг нутқи муқаррар равишда унинг ички дунёсини акс эттириб, унинг шахсияти ҳақида билим манбаи бўлиб хизмат қилиши ва бу хақида жаҳон олимларининг фикрлари ушбу бобда ўрганилади.