Namangan davlat universiteti tarix fanlari kafedrasi

Bitiruv malakaviy ishi mavzusining davriy chegarasi. 1991-yildan ya’ni, O‘zbekistonning mustaqillikka erishishidan boshlanib, hozirgi vaqtga qadar.

Bitiruv malakaviy ishining nazariy va uslubiy asoslari. Mavzuni yoritish jarayonida O‘zbekiston Respublikasi Vazirlar Mahkamasining “O‘zbekiston Respublikasining yangi tarixini yaratish to‘g‘risida”gi (1996-yil 16-dekabr) va “O‘zbekiston Respublikasi Fanlar akademiyasi Tarix institutining faoliyatini takomillashtirish to‘g‘risida”gi (1998-yil 27-iyul) qarorlari, shuningdek, O’zbekiston Respublikasi Prezidenti Sh.M.Mirziyoyev va O’zbekiston Respublikasi Birinchi Prezidenti I.A.Karimov asarlari, nutq va suhbatlarida O‘zbekistonda sud-huquq tizimini shakllantirish va faoliyatiga oid fikr-mulohazalari, kontseptual g‘oyalari, amaliy xulosalari metodologik asos bo‘lib xizmat qildi.

Mavzuni yoritish jarayonida ijtimoiy voqelikni bilish va o‘rganishning dialektik metodi, uning ilmiylik, xolislik, tarixiylik, tizimlilik va rivojlanish tamoyillariga tayanildi, shuningdek, tarix fanining tadqiqot uslublaridan – analiz, sintez, retrospektiv uslub, sinxron va diaxron, xronologik va boshqa bir qator uslublardan foydalanildi.