Namangan davlat universiteti tarix fanlari kafedrasi

Bitiruv malakaviy ishi mavzusining o’rganilish darajasi. O‘zbekistonda sud-huquq tizimining faoliyati, amalga oshirilgan islohotlar, qonunchilik tizimini o‘rganishga bag‘ishlangan ilmiy ishlar anchagina bo‘lishiga qaramay, O‘zbekistonda sud-huquq tizimining tarixiy shakllanish jarayonlari va bosqichlarini o‘rganish tarix fanida hamon eng kam o‘rganilgan sohalardan bo‘lib qolmoqda. O‘zbekistonda sud-huquq tizimi shakllanishining tarixi mustaqillik yillarida bir qator tarixchi, siyosatshunos, huquqshunos va boshqa soha vakillari tomonidan o‘rganilib, ularning tadqiqotlarida mavzuning ayrim sohalariga oid muhim ma‘lumotlar o‘z aksini topgan. O‘zbekiston Respublikasi sud-huquq tizimi yoritilgan adabiyotlarni quyidagi guruhlarga ajratish maqsadga muvofiqdir:

1. O‘zbekiston Respublikasi Konstitutsiyasi va Qonunlari, O‘zbekiston Respublikasi Prezidenti qarorlari va farmonlari, Vazirlar Mahkamasi qarorlari, Davlat dasturlari.

2. O‘zbekistonda nashr etilgan ilmiy tadqiqotlar.

3. O‘zbekiston Respublikasi sud-huquq tizimining ayrim masalalarini o’zida aks ettirgan xorijlik mualliflarning asarlari.

O‘zbekiston Respublikasi sud-huquq tizimining shakllanishida O‘zbekiston Respublikasi Konstitutsiyasi, Qonunlari O‘zbekiston Respublikasi Prezidenti qarorlari va farmonlari, Vazirlar Mahkamasi qarorlari, Davlat dasturlari va konsepsiyaning o‘rni beqiyosdir⁸.

Mustaqillik yillarida ko‘plab siyosatshunos, tarixchi, huquqshunos olimlar mustaqil hokimiyat tizimidan biri bo‘lmish sud hokimiyatini o‘z tadqiqot va ilmiy ishlarida, monografiyalarida o‘rgandilar. M.Baydadaev, R.Z.Jumaev, S.Jo‘raev, D.Toksanov, N.Jo‘raev, T.Fayzullaev, S.Zokirov, X.Odilqoriev, G‘.Abdumajidov, Z.Inog‘omjonova, Z.Islomov, F.Otaxonov, M.T.Turg‘unov, Sh.O.Mamadaliev, Sh.R.Qobilov, R.Qayumov kabi olimlarning ilmiy ishlarida mavzuning u yoki bu jihatlari tahlil qilingan⁹.