Наманган давлат университети педагогика факультети

Кутиладиган Натижа
Тингловчилар ривожланишида камчиликлари бўлган болаларни текшириш усуллари ҳақидаги назарий билимларини амалиётда қўллаш малакасига эга бўладилар.
Маъруза режаси	Болаларни логопедик текшириш методикаси Сурдопедагогик текшириш методикаси Тифлопедагогик текшириш методикаси

4-Мавзу. Ривожланишида камчиликлари бўлган болаларни текшириш усуллари
Режа:

1. 
   Болаларни логопедик текшириш методикаси
   
2. 
   Сурдопедагогик текшириш методикаси
   
3. 
   Тифлопедагогик текшириш методикаси
   

Болаларни логопедик текшириш методикаси
ТППК ва тиббий-педагогик-психологик ташхис марказларига келтирилган болаларни ташхис қилишда ишни, энг аввало, улар нутқини логопедик текширишдан бошлаш зарур. Бундай ёндошув нутқнинг инсон ҳаётида муҳим ўрин эгаллаши, унинг руҳий жараёнларнинг омили эканлиги билан асосланади.
Ташхис қилишда қуйидаги логопедик текширишлар олиб борилади.
Болаларда товуш талаффузининг тузилишини текшириш.
Нутқий ривожланишида муаммоси бўлган болаларни ўз вақтида тўлиқ текшириш жуда муҳим ўрин тутади. Ўз вақтида нутқ нуқсонларини аниқлаш логопедик текширув ёрдамида боланинг 4 ёшигача бўлган даври ичида амалга оширилиши мақсадга мувофиқ. Болаларда логопедик текширув, энг аввало, артикуляцион аппаратнинг тузилиши ва унинг ҳаракатчанлигини пухта ўрганишдан бошланиб, сўнг товушлар талаффузининг ҳолатини ўрганиш билан якунланади. Бунда фонематик идрок тузилишини ҳам аниқлаш мухимдир.
Артикуляция аппаратини текшириш.
Боланинг баъзи артикуляция (талаффуз) қилиш органларини текшириш лаб, тил, тишлар, жағлар, танглай тузилишини ўрганишни ўз ичига олади. Бунда логопед органнинг нуқсонлари бор-йўқлигини, меъёрга мослигини текширади. Текширув вақтида қуйидаги аномалия (меъёрдан четга чиқиш)ларни кузатиш мумкин: