Namangan davlat universiteti filologiya fakulteti lingvistika

Tadqiqotning o`rganilish darajasi. O`zbek tarjimashunosligi va adabiyotshunosligida Shekspir ijodini o`zbekcha talqini borasida bir qator tadqiqotlar yaratilgan. Bu borada, avvalo, professorlar G`.Salomovning “Adabiy an`ana va badiiy tarjima”<sup>1</sup>, “Tarjima tashvishlari”<sup>2</sup> monografiyalari, F.Sulaymonovaning “Shekspir O`zbekistonda”³ monografiyasi yaratilgan. O`zbekistonda Shekspir ijodidan tarjima qilishga Cho`lpon, G`afur G`ulom, Maqsud Shayxzoda, Uyg`un, Komil Yashin, Hamid G`ulom, Asqad Muxtor, Turob To`la, Yusuf Shomansur, Jamol Kamol kabi zabardast shoirlarimiz qo`l urdilar.Bugungi kunda Shekspir asarlarini o`rganish, bu asarlarning g`oyaviy-badiiy, lisoniy xususiyatlarini tadqiq etish borasida adabiyotshunoslik, qiyosiy adabiyotshunoslik, tarjimashunoslik, tilshunoslik sohalarida doktorlik dissertatsiyalari, magistrlik dissertatsiyalari va bitiruv-malakaviy ishlari bajarilmoqda.
Shekspir asarlarini tarjima qilish va nashr etish borasida yurtimizda ko`plab ishlar amalga oshirilgan va oshirilmoqda. Jumladan, 1981-1985 yillarda Shekspir "Tanlangan asarlar"i besh jildligining ko`p nusxada chop etilishi respublikamiz madaniy hayotida katta voqea bo`lgan edi. Bu nashrning yuzaga kelishida akademik Vohid Zohidov va shoir-tarjimon Jamol Kamol fidoyilik qilgandilar. Mustaqillik yillarida Shekspir asarlarining bevosita asliyatdan tarjima qilingan eng etuk o`n ikki asari uch jildlik “Caylanma” sifatida nashr etildi.⁴ Bu saylanmaga mashhur adabiyotshunos olim Ibrohim Haqqul so`zboshi yozib, Jamol Kamol tarjimasining o`ziga xos xususiyatlari va Shekspir asarlarining g`oyaviy-badiiy jihatlari haqida fikr bildirib o`tdi.

1. 
   Саломов Ғ. Адабий анъана ва бадиий таржима. – Тошкент: Фан, 1980 й.
   

2. 
   Саломов Ғ. Таржима ташқишлари. – Тошкент: Ғафур ғулом номидаги адабиёт ва санъат нашриёти, 1983. –
   

Б. 151-187.

3. 
   Сулаймонова Ф. Шекспир Ўзбекистонда. – Тошкент: Фан, 1978.
   

4. 
   Шекспир Вильям. Сайланма. Биринчи жилд. – Тошкент: Фан, 2007.
   

5