Namangan davlat universiteti b. T. Ataxanov, M. B. Isabayev fuqarolik jamiyati fanidan

INQILOBCHI
YETAKCHI
— amerikalik politolog Robert Taker siyosiy 
yetakchilikning ajratib ko‗rsatgan uch turidan biri. I.ye. odatda qurol kuchi bilan boshqa 
ijtimoiy tuzumga tez va sakrash orqali o‗tishni rejalashtiradi. 
INQIROZ 
(yun. qaror, hukm, qat‘iy yakun) — taraqqiyotda orqaga ketish, 
tanazzul. Har qanday tizim (obyekt)ning nisbatan yuqori darajada shakllangan holatidan 
quyi darajadagi holatga o‗tish jarayoni I. davri deyiladi. Iqtisodiy, siyosiy, ijtimoiy, 
ma‘naviy sohalardagi I.lar, odatda, mustaqil ro‗y beradi, ba‘zan esa hammasi kompleks 
tarzda baravar bo‗ladi. Bunday holda jamiyatning umumiy I.i boshlanadi. 1) 
kelishmovchiliklar, salbiy hodisalar va tendensiyalar bir-biri bilan bog‗liq bir holatdan 
ikkinchi holatga o‗tish. 2) biror narsaning jiddiy yetishmasligi, biror holatdagi jiddiy 
qiyinchilik; 3) manfaatdor tomonlarning asosiy boyliklari, manfaati va maqsadlariga 
jiddiy xavf yuzaga keltiradigan davlat ichidagi yoki xalqaro vaziyat; 4) haroratning 
keskin pasayishi va kasallikning barcha belgilarining yo‗qolishi va bu bilan bog‗liq 
bo‗lgan kasallik davomidagi o‗zgarish. 
INSIDENT
(lot. 
incidens
– bo‗lib turadigan) — odatda ko‗ngilsiz xarakterda 
bo‗ladigan hodisa, voqea, to‗qnashuv. 
INSINUATSIYA 
(lot. ichiga kirish, sezdirmay ichiga kirish)
 
— biror kishining 
obro‗yini ketkazish, sha‘niga tegish maqsadida qilingan soxta, tuxmatdan iborat 
uydirmalar. 
 
INSON HUQUQLARI 
— insonning davlat bilan munosabatidagi huquqiy 
maqomini, iqtisodiy, ijtimoiy, siyosiy va madaniy sohalardagi imkoniyatlari hamda 
da‘volarini tavsiflovchi tushuncha. I.h.ni erkin va samarali tarzda amalga oshirish 
fuqarolik jamiyati va huquqiy davlatning asosiy belgilaridan biridir. 
INSON HUQUQLARI BO„YICHA MILLIY MARKAZ 
—
 
inson huquqlari va 
erkinliklarini muhofaza qilishning ta‘sirchan mexanizmlarini yanada kengaytirish, 
xalqaro va huquqni muhofaza qilish tashkilotlari bilan hamkorlikni kengaytirish, davlat 
muassasalari xodimlari va barcha aholining inson huquqlari bo‗yicha madaniyatini 
oshirish maqsadida tashkil etilgan.