Начальнику сдс мид ру

Англия лойиҳачи-менежерлари уюшмасининг фикрича, лойиҳани бошқариш – бу қабул қилинган бюджет доирасида ва белгиланган вақтда ҳамда техник хусусиятлар ва талабларга мувофиқ лойиҳани якунлаш бўйича бошқариладиган вазифа.
Германия DIN 69901да айтилишича, лойиҳани бошқариш – лойиҳани амалга ошириш йўлида ташкилотнинг бошқарув вазифалари, техника ва воситаларнинг яхлитлиги.
Тизимлар назариясидан ва бошқарув тизимининг икки тизим остига – бошқарувчи (бошқарув субъекти) ва бошқарилувчи (бошқарув объекти)га бўлинишидан келиб чиқиб, лойиҳа бошқарувига қуйидагича тўғрироқ таъриф бериш мумкин. Лойиҳани бошқариш – бу ишлаб чиқариш фондларини (капиталлар, моддий ва техник ресурсларни) тайёрлаш ва амалга оширишда иштирок этувчи инсонлар жамоасинининг ҳаракатланишини мувофиқлаштириш санъати.
Йирик лойиҳаларни амалга оширишда ишларни бажариш муддати ва контракт қийматининг ўзгаришини назорат қилиш тизимли режалаштириш моделларидан фойдаланганда енгиллашади. Тизимли моделларни ишлаб чиқиш лойиҳанинг тузилмавий режаси (ЛТР) асосида амалга оширилади ва қатор босқичлардан иборат бўлади (8.1-расмда келтирилган).
ИҚЛ мақсадига илк яқинлашиш ялпи йириклаштирилган тизимли жадвалларни (ЯЙТЖ) ишлаб чиқиш вақтида кузатилади. Бу жадвалларда босқичларнинг ўзаро боғлиқлиги кўрсатилади (лойиҳанинг тузилмавий режасига қараб унинг муайян қисмларининг бажарилиши). Лойиҳанинг ҳар бир қисми учун ялпи тизимли жадвал (ЯТЖ) тузилиб, у локал тизимли жадвалларнинг (ЛТЖ) ишчи пакетга кирувчи қурилиш-монтаж ишлари комплексига “бирлаштирилиши” натижасида юзага келади. ЯТЖ асосида ЯЙТЖга тегишли тузатишлар киритиб борилади. Тегишли тузатишлар киритилгандан кейин ЯЙТЖ инвестицион қурилиш лойиҳасини (ИҚЛ) бажаришда асосий ҳужжатга айланади.
Локал тизимли жадваллар – бу ишлаб чиқариш жараёни бошқарувининг қуйи (технологик) бўғинларини ишлаб чиқиш учун мўлжалланган асосий ҳужжатлар ҳисобланади.
ЛТЖ бўйича қуйи бўғинларнинг раҳбарлари ишларнинг бажарилиши устидан кундалик назоратини олиб бориши ва ИҚЛ қисмлари раҳбарларига бажарилаётган ишлар хусусида ҳар ҳафта ахборот бериб туриши мумкин(8.2-расм). ИҚЛ қисмларининг раҳбарлари ЯТЖ бўйича ишлар ҳолатини текширади ва қуйи бўғин раҳбарларига ишларни ташкил этиш юзасидан тегишли кўрсатмалар беради. Йирик лойиҳаларнинг раҳбарлари учун, қурилишда барқарор вазият бўлган шароитда, ЯЙТЖни текшириш интервали бир ой деб белгиланиши мумкин. Бир ойдан кейин ИҚЛ қисмлари раҳбарлари лойиҳа раҳбарига ишларнинг бажарилиши, бюджет ҳисоботлари, ресурсларнинг сарфланиши ва олиб борилаётган тадбирларнинг самарадорлиги хусусидаги маълумотларни йириклаштирилган шаклда тақдим этади.