N. K. Jamalov mehnat huquqi

2. Ish vaqtining normal muddati
Mehnat kodeksining 115-moddasi birinchi qismiga binoan olti kunlik ish haftasida ham, besh kunlik ish haftasida ham ish vaqti haftasiga qirq soatdan ortiq bo’lishi mumkin emas. Kundalik ishning normal muddati turlari korxonalarda ish haftasi turiga bog’liq bo’lib, Mehnat kodeksining 115-moddasi ikkinchi qismiga muvofiq, korxonada olti kunlik ish haftasi joriy etilgan bo’lsa, har kungi ishning muddati yetti soatdan, besh kunlik ish haftasida esa sakkiz soatdan ortib ketmasligi lozim.


Қонунчилик билан ўрнатилган иш вақтининг нормаларга риоя этиш тўғрисидаги талаблар мулк шаклидан қатъи назар, барча корхоналарга, шунингдек, ёлланма ходимлар меҳнатидан фойдаланувчи жисмоний шахсларга ҳам тадбиқ этилади.

Har kungi ish muddati va ish haftasi muddati chegarasining qonun hujjatlari bilan belgilab qo’yilgan normalarini inobatga olgan holda boshqa kalendarь davrlarga (o’n kunlik, oylik, yilning choragi uchun, yillik va hokazo) ham ish vaqti muddatining chegarasi normalari aniq belgilab qo’yiladi.

Masalan, ikki kun dam olinadigan besh kunlik ish haftasi asosida faoliyat yuritadigan korxonalarda amalda ko’pincha shunday rejim joriy etiladiki, unga xodimlar har kungi sakkiz soat-lik ishga jalb etiladilar (5x8=40 soat). Faoliyati bir kun dam olinadigan olti kunlik ish haftasiga asoslangan korxonalarda aksariyat hollarda besh kun yetti soatdan va bir kun besh soatdan ishlash belgilangan (5x7+5=40 soat).