N husanov m. Husanova r. Xo‘jaqulova

13-topshiriq. Matnni o‘qing. Matndagi iqtisodiy so‘z va terminlarning qanday qo‘llanilishiga e’tibor qarating.
Ehtiyojlarning oshib borishi mahsulot ishlab chiqarishni ko‘paytirishni obyektiv zarurat qilib qo‘yadi. Lekin natural xo‘jalik yuksalib borayotgan ehtiyojlarni qondiradigan darajada iqtisodiy ravnaqni ta’minlay olmaydi. Mana shunday ravnaqni ta’minlay oladigan xo‘jalik yuritish shakli zarurligi natural xo‘jalikni tovar xo‘jaligi bilan almashuviga olib keladi.
Tovar xo‘jaligi - bu iqtisodiyotning shunday tashkiliy shakliki, u tovar ishlab chiqarishga asoslanadi va ishlab chiqarish bilan iste’molni bozor orqali bog‘laydi.
Tovar xo‘jaligiga quyidagi xususiyatlar xos:
Birinchidan, tovar xo‘jaligi «ochiq» xo‘jalik bo‘lib, yaratilgan mahsulot o‘z iste’moli uchun emas, bozorda sotish uchun ishlab chiqariladi.
Ikkinchidan, tovar ishlab chiqarish mehnat taqsimotiga asoslangan. Tovar ishlab chiqaruvchi Iron mahsulot yoki uning biron-bir qismini ishlab chiqarishga ixtisoslashadi. Texnika taraqqiyoti ixtisoslashuvining chuqurlashuviga, u o‘z navbatida texnikaning rivojlanishiga ta’sir ko‘rsatadi. Tovar xo‘jaligi natural xo‘jalikdan farqli o‘laroq, mehnat taqsimoti va uning chuqurlashuvi umumiqtisodiy qonuni amal qilishga keng sharoit yaratadi.
Uchinchidan, tovar xo‘jaligida ishlab chiqarish bilan iste’mol bilvosita, ya’ni bozor orqali bog‘lanadi. U ishlab chiqarish - ayirboshlash - taqsimot - iste’mol tarzida yuz beradi. Ishlab chiqarilgan mahsulot avval bozorga chiqariladi, so‘ngra ishlab chiqarish yoki shaxsiy iste’molga ketadi. Bozor qanday tovar ishlab chiqarish kerakligi yoki kerak emasligi to‘g‘risida «signal» - axborot beradi. Aynan ayirboshlash orqali ishlab chiqarish bilan iste’molchi o‘rtasida iqtisodiy munosabatlar o‘rnatiladi.
Tovar xo‘jaligi ishlab chiqarishning rivojlanishiga obyektiv sharoit yaratadi.
14-topshiriq. “Iqtisodiyot nazariyasi” darsligidagi 200 ta so‘zdan iborat iqtisodiy matnni tahlil qiling va so‘zlarning ishlatilish xususiyatlarini tushuntiring.