Н а м о з – энг улуғ ибодат (МУсулмон йигит-қизларнинг дин китоби)

Тушиши билан сув нажосат бўлмайдиган нарсалар
Қудуққа тушиши билан уни нажосат қилмайдиган ҳайвонларга 
жасадида қон оқадиган томири бўлмаган ҳайвонлар киради. Ми-
сол учун, тошбақа ва ҳоказолар. Яна сақланишнинг имкони йўқ 
нарсаларнинг оз миқдордагисининг қудуққа тушиши уни нажосат 
қилмайди. Қўйнинг қумалоқлари, туя ёки сигирларнинг тезаклари 
каби. Буларнинг кам-кўплиги қараган кишининг эътибори билан 
билинади, яъни қараган киши кўп деса, қудуқ нажосат бўлади, кам 
деса, нажосат бўлмайди. Чунки бу ҳолат кечирилгандир.
НАЖОсАТ
Нажосат икки қисмга бўлинади:
1. Ҳақиқий нажосат– буларга олд ва орқадан келадиган нар-
салар, қон, маст қилувчи ичимликлар, чўчқа гўшти ва ҳоказолар 
киради.
2. Ҳукмий нажосат – ҳадасдир, яъни ғусл ва таҳорат қилиш 
вожиб бўлган вақтдаги бетаҳоратликдир.
Ҳақиқий нажосат ҳам иккига бўлинади:
1. Ғализа (оғир) нажосат – буларга қон, инсоннинг олди ва ор-
қасидан чиқадиган нажосатлар, маст қилувчи ичимликлар, ўлим-
тик ҳамда чўчқанинг гўшти, териси ва ҳоказолар киради.
2. Хафифа (енгил) нажосат – буларга қўй, мол ва туя каби 
гўшти ейиладиган ҳайвонларнинг пешоби, гўшти ейилмайдиган 
қушларнинг тезаклари киради.

---

29
Афв қилинган нажосатлар
Агар нажосат инсоннинг орқасидан келганга ўхшаш бир дир-
ҳам миқдорида ғализа (қуюқ) бўлса, фақат намозини ўқиб олиш 
учун афв қилинган. Бир дирҳам тахминан уч граммга тўғри кела-
ди. (Бир дирҳам миқдоридан кўп бўлса, нажосатни тозалаб, на-
мозини қайтадан ўқийди). Агар нажосати ғализа пешобга ўхшаш 
суюқ бўлса, инсоннинг кафти кенглигича миқдордагиси билан 
намоз дуруст бўлади. Кафт кенглигидан кўпроқ бўлса, намозини 
қайта ўқийди. (Игнанинг учи каби) оз миқдорда сачраган сийдик 
кечиримлидир, чунки ундан сақланиш қийин. Қассобга зарурат 
сабабидан етган қон ҳам кечиримлидир. Кўчалардаги лойга ара-
лашиб кетган нажосат ҳам, сақланишнинг имкони йўқлиги учун 
кечиримлидир.
Нажосати хафифанинг афв қилинган қисми – кийимнинг 
ёки баданнинг тўртдан бирига етганидир. Бу айтилган нарсалар 
оқмайдиган нарсалар хусусидадир. Оқадиган нарсалар эса хоҳ 
оғир, хоҳ енгил нажосат бўлсин, фарқи йўқ, барибир нажосат 
ҳисобланади.
Кабутар каби гўшти ейиладиган қушларнинг тезаги покдир.