Н а м о з – энг улуғ ибодат (МУсулмон йигит-қизларнинг дин китоби)

қазои ҳожат ва истинжо одоблари
Ҳожатхонага кираётган киши учун қуйидагилар одоб 
ҳисобланади:
1. Киришдан олдин ушбу дуони ўқийди:
ِثِئاَبَخْلاَو ِثُبُخْلا َنِم َكِب ُذوُعَأ يِّنِإ َّمُهَّللا
«Аллоҳумма! Иннии аъуузу бика минал хубуси вал-хо-
бааис»
Маъноси: Аллоҳим! Эркак ва аёл жиннинг ёмонлигидан Сен-
дан паноҳ тилайман.
2. Ҳожатхонага чап оёғи билан кириб, ўнг оёғи билан 
чиқади.
3. Чиққандан сўнг ушбу дуони ўқийди:
يِناَفاَعَو ،ىَذَْلا يِّنَع َبَهْذَأ يِذَّلا ِهَّلِل ُدْمَحْلا . َكَناَرْفُغ
«Ғуфронака. Алҳамдулиллаҳиллазии азҳаба ъаннил-азаа 
ва ъаафаани»
Маъноси: Гуноҳларимни кечирган, мени хотиржам қилган ва 
мендан азиятни кетказган Аллоҳга ҳамд бўлсин.

---

32
4. Қазои ҳожатни ўтирган ҳолда қилади, фақат ўтира олмай-
диган узри бўлса, турган ҳолда қазои ҳожат қилади.
5. Қазои ҳожат вақтида, истинжо ва тошга артаётган ҳолатида 
бош кийими билан Аллоҳдан ва малоикалардан ҳаё қилган ҳолда 
ўтиради.
Қабр устига қазои ҳожат қилиш ёки кенг дала бўладими, би-
рор бино ичи бўладими, қиблага юзланиб ёки орқа қилиб ўтириш 
ҳам макруҳи таҳримийдир, яъни ҳаромга яқин макруҳ. Тўхтаб 
турган оз сувга ҳожат чиқариш ҳаромдир, агар тўхтаб турган сув 
кўп бўлса, унга ҳожат чиқариш макруҳи таҳримийдир. Агар сув 
оқувчи бўлса, унга ҳожат чиқариш макруҳи танзиҳий бўлади. Бу 
дегани сувга бавл қилса бўлади, дегани эмас. Фақат бу ерда ма-
сала сифатида келтирилмоқда. Сувхоналарга, сув оқиб келадиган 
ерларга, инсонлар юрадиган, салқинлаб ўтирадиган, тўпланади-
ган жойларга қазои ҳажот чиқариш макруҳдир. Яна ҳожат вақтида 
гапириш, тили билан Аллоҳ таолони зикр қилиш, қуёш ёки ойга 
юзланиб ўтириш ҳам макруҳдир.
Истинжо деб, нажосат чиқадиган ўринларни сув билан тоза-
лаш, истижмор деб эса тош билан тозалашга айтилади. Бу эркак-
ларга ва аёлларга суннати муаккададир. Лекин нажосат махражга 
яъни нажосат чиқадиган ўринга дирҳам миқдоридан кўпроқ ёйил-
ган бўлса, кесак ёки варақнинг ўзи кифоя қилмайди, балки сув би-
лан ювиш вожиб бўлади. Истинжони чап қўл билан қилиш мус-
таҳаб амалдир. Истинжони қоғоз ишлатиб, сўнг сув билан ювиш 
фақат бири билан кифоялангандан кўра афзал ҳисобланади.