Н а м о з – энг улуғ ибодат (МУсулмон йигит-қизларнинг дин китоби)

Жалса. Намоздаги икки сажда ўртасида бир муддат ўтириш 
«жалса» дейилади. Бунда бир тасбеҳ айтиш миқдорида ўтириш 
суннатдир.
қаъда. Намознинг иккинчи ракъатидан кейин ва охирги 
ракъатидан сўнг ўтириш «қаъда» дейилади. Намоз икки ракъатли 
бўлса, қаъдада «Ташаҳҳуд», салавот ва дуо ўқиб, намоз тамомла-
нади. Агар уч ёки тўрт ракъатли бўлса, бунда «Ташаҳҳуд»ни ўқиб 
бўлгач, «Аллоҳу акбар», деб кейинги ракъатга турилади. Тўрт, уч 
ракъатли намознинг иккинчи ракъатидан кейинги қаъда «аввалги 
қаъда», тўртинчи ёки учинчи ракъатдан кейинги қаъда «охирги 
қаъда» дейилади.
НАМОЗНИНГ ТУрЛАрИ
Фарз намозлари – Аллоҳ таолонинг амри билан ҳар бир мусул-
мон зиммасида бурч ҳисобланган беш вақт намоз (бомдод, пешин, 
аср, шом, хуфтон) ва жума намози ҳамда (мусулмонлардан баъзила-
рининг ўқиши билан бошқалардан соқит бўлувчи) жаноза намози.
Вожиб намозлар – ҳар куни хуфтондан сўнг ўқиладиган витр 
намози, Рамазон ва қурбон ҳайити намозлари, Байтуллоҳдаги та-
воф намози.
суннат ва нафл намозлари – беш вақт фарз намозлардан 
олдин ёки кейин ўқиладиган суннат намозлар, таровеҳ, истисқо, 
«Таҳиятул-масжид» намози, зуҳо (чошгоҳ), таҳажжуд, истихора, 
ҳожат намозлари, таҳорат ёки ғуслдан сўнг, сафарга чиқаётганда, 
ой ёки қуёш тутилганда ўқиладиган намозлар.
НАМОЗ ВАқТЛАрИ
Намозни ўз вақтида ўқиш фарз ва лозимдир. Вақти кирмасдан 
ўқилган намозлар намоз ҳисобига ўтмайди. Вақтида ўқишга улгу-
рилмаган намозларнинг қазоси ўқилади.
1. Бомдод намозининг вақти – субҳи содиқдан (чин тонг от-
гандан) кун чиққунчадир.
2. Пешин намозининг вақти – қуёш заволга (оғишга) кетга-
нидан сўнг то нарсаларнинг сояси ўз узунлигига нисбатан икки 
баравар ортгунига қадар.

---

41
3. Аср намозининг вақти – ҳар бир нарсанинг сояси ўзига 
нисбатан икки баравар ортганидан бошлаб қуёш ботгунчадир.