Н. А. Эгамбердиева археология (ўқув қўлланма)

Манжаниқ – жангда фойдаланиладиган махсус тош отадиган қурилма
Мағок– “яширинча” деган маънони англатади, яъни биноларнинг ярмисининг ер остида қурилганлигини англатади. Бухородаги Мағоки Аттори ва Мағоки Кўрпа бинолари қисман ер остида қурилган.
Морпеч – ўралиб чиққан бўртма шакл
Майолика – парчин, сирланган яхлит ўймакорликда пиширилган лой бўлаклари
Мореналар – музликнинг силжиши жараёнида вужудга келган музлик ётқизиқлари бўлиб, унинг таркиби гил, қум қатламлари, ҳарсанг тош ва шағаллар иборат бўлган.
Ноус–зардуштийлик динида остодонлар сақланадиган махсус бино.
Нуклеус – тош ўзаги, у турли техник усулллар асосида тош парақаларнинг олиниши натижасида ҳосил бўлади.Улар дисксимон, призматик, қаламсимон тузилишда бўлган.
­­­­­­­­­­­­­­Палахмон – жундан тўқилган тош отувчи қурол.
Пиктография–расмли ёзув тури
Петроглиф –– уриб–ўйиб, чизиш усули билан ишлаган қоя тош расмлари.
Плювиа даври – лотинча сўздан олинган бўлиб “плювиа”– ёмғир деган маънони беради. Ашель даври охирида тропик ўлкаларда бошланган ёмғирлар даври
Ретуш – майда тош қуролларни ишчи қисмини ясаш услуби.
Ритон – диний ва дунёвий маросимларда қўлланиладиган май қадаҳи
Сардоба – махсус сув йиғгич иншооти бўлиб, у гумбазли айланасимон ҳовузлар тарзида қурилган. Ўнга қор, ёмғир баъзан қудуқ сувлари махсус иншоотлар орқали тўпланиб йўловчилар учун узоқ муддатга сақланган.
Ступа- санкрит сўзидан олинган бўлиб, ер ёки тош уюми деган маънони беради. У буддизмнинг диний иншооти бўлиб, унда муқаддас буюмлари ва қабр тоши сақланган. Мил. I асрдан унинг ярим айлана шаклдагилари кенг тарқалган.
Тигел – металл эритиладиган махсус сопол қозон.
Тош болғалар (отбойниклар) –оғирлиги 0,5 кгдан кам бўлмаган қайроқтошдан ясалган қурол.
Хонақо- форс тилидан олинган бўлиб, “хане”-“уй”, “га”-“ўрин” деган маъноларни беради. Хонако мусулмон дунёсига хос бино ҳисобланади. У мачит, мадрасалар ёнида гумбазсимон тарзда қурилган. Хонако ташқаридан келган меҳмонлар яшашига мўлжаллаган. У ерда кўпинча сўфилар ва дарвешлар истеъқомат қилишган.