Мутахассислик фанларнинг ўзига хосликлари

Кўникма-Талабаларнинг меҳнат жараёнидаги харакатини ёки харакатлар мажмуасини муайян шароитда максадга мувофиқ муваффаққиятли бажаришдир.
Малака- талабаларнинг меҳнат жараёнидаги харакатни ёки харакатлар мажмуасини аниқ, тез, мақсадга мувофиқ автоматик тарзда бажаришидир.
Баҳолаш таълим жараёнининг маълум босқичида ўқув мақсадларига эришилганлик даражасини олдиндан белгиланган мезонлар асосида ўлчаш, натижаларни аниқлаш ва таҳлил қилишдан иборат жараёндир.
«Педагогика» - грекча сўзидан олинган таржима қилинганда «бола етакламоқ» маъносини англатади.
“Дидактика» - грекча сўзидан олинган бўлиб «ўқитаман, ўқишни ўргатаман» маъносини англатади. Дидактика ўқитиш жараёнининг шакллари, методлари, тамойиллари, мазмуни, вазифаси ва мақсадларини ишлаб чикади.
Дидактик тамойиллар.
Маълумки, таълим мазмуни инсонни ўқитиш жараёнида эгаллаши лозим бўлган билим, кўникма ва малакалар ҳажми ҳамда характери билан белгиланади. Шу сабабли ҳам таълим мазмуни режалаштирилган мақсадга мувофиқ ҳолдаги йўналиш ва ҳажм бўйича шакллантирилади. У тегишли меъёрий ҳужжатлар: таълим стандартлари, ўқув режа, ўқув дастурлари шаклида расмийлаштирилиб, ўрнатилган тартибда тасдиқланади.
Таълим мазмунини тўғри белгиланиши ҳамда унга зарур ўзгартиришлар киритишда таълим мазмунининг янгиланиб бориш имкониятлари, яъни таълим мазмунини модернизация қилишни ҳам эътиборга олиш лозим. Белгиланган мазмун асосида ўқув фанлари, ўқув соатлари, машғулот турлари аниқланади ва бунда таълим мазмуни тамойилларига асосланади.
Тамойил (юнонча «principium») – бирор-бир назариянинг асоси, негизи, асосий бошланғич қоидаси; бошқарувчи ғоя, фаолиятнинг асосий қоидаси; умумлаштирилган талаб деган маънони англатади.
Дидактик тамойиллар – ўқув-тарбия жараёнининг умумий мақсадлари ва қонуниятларига биноан унинг мазмуни, ташкилий шакл ва методларини белгиловчи бошланғич қоидалардир.
Ўқитиш қануниятлари ва тамойиллари.
Дидактик тамойиллари- ўқитиш назариясининг бошланғич қоидалари бўлиб, ўқитувчи ўқув жараёнини ташкил этишда уларга амал қилиши керак. Махсус фанларни ўқитишда касб таълими тамойилларига риоя этилади. М.Н.Скаткин таълим тамойилларини қуйидагича белгилайди: илмийлик, ҳар томонламалик, ҳаёт билан алоқадорлик, табақалаштириш, тизимлилик, ўқув фанлари орасидаги ўзаро алоқадорлик, жорийлилик .