Musa Urud uruda ики сяфяр Бакы – 2009

Müzakirə
Bakıya qayıtdıqdan sonra Mübariz Qur­banlı ilə birlikdə Milli Məclisin sədri cənab Oktay Əsədovun qəbuluna getdik. Buxa­restdə keçirilən komitə iclası barədə səd­rə məlumat verdikdən sonra iyun ayında İrəvanda keçiri­ləcək Baş Assambleyada Azərbaycanın iştirakı ilə bağlı təklifləri ona söylədik. Oktay müəllim bildirdi ki, bu məsələdə tələsik qərar vermək olmaz, gözləyin rəsmi müraciətlər gəlsin. Er­mənistanın daxilində və qoşunların təmas xət­tindəki vəziyyətdən asılı olaraq sessiya ərə­fəsində öz münasibətimizi bildirərik.
2006-cı ilin aprelin sonlarında Oktay müəllim Səfa Mirzəyevi, Mübariz Qurbanlını və məni QDİƏT Parlament Assambleyasının İrəvanda keçiriləcək XXVIII sessiyasında Azərbaycan nümayəndə heyətinin iştirak edib-etməməsi məsələsinin müzakirəsi ilə əlaqədar qəbul etdi. Milli Məclisin sədri bildirdi ki, İrəvan sessiyasında Azərbaycan nümayəndə heyətinin iştirakı ilə bağlı həm QDİƏT PA-ın baş katibi Aleksey Kudryavtsev, həm də Er­mə­nistan Parlamentinin sədri Artur Bağda­sar­yan dəvət məktubu göndəriblər. Hər iki mək­tubda İrəvan sessiyasında QDİƏT PA-na sədr­liyin Azərbaycana keçməsi ilə əlaqədar olaraq bizim iştirakımızın zəruriliyi göstərilir və təh­lükəsizliklə bağlı təminat verilir. Mənim İrə­vana getməyəcəyim aydındır və bu məsə­lənin müzakirəsinə ehtiyac yoxdur. Əgər sədr­liyin Azərbaycana keçməsi məsələsi ol­masa idi, de­putatlarımızın Ermənistana getmə­sini qeyri-məq­bul saymaq olardı, lakin indiki və­ziy­yətin müzakirəyə ehtiyacı vardır. Buyu­run, fikrinizi bildirin.
Səfa Mirzəyevlə mən QDİƏT PA sədr­liyini qəbul etmək üçün Azərbaycan deputat­larından bir, ya iki nəfərin İrəvana getməsinin zəruriliyini söylədik. Mübariz Qurbanlı bizim fikirlərimizə etiraz etmədi, lakin özünün İrə­vana getməyəcəyini bildirdi.
Oktay müəllim müzakirəyə yekun vu­raraq söylədi ki, bizimlə düşmən olan bir öl­kəyə nümayəndə heyətimiz, təbii ki, tam tər­kiblə gedə bilməz, bir nəfəri də tək-tənha ora­ya göndərə bilmərik. Mübariz Qurbanlı get­mək istəmir, Jalə Əliyevanı qadın olduğu üçün göndərmək olmaz, onda Musa ya İmamverdi İsmayılovla, ya da həmin vaxta qədər Mərkəzi Seçki Komissiyası və Konstitusiya məhkəməsi mandatını təsdiq etsə, Asəf Hacıyevlə gedər. (Asəf Hacıyev ikinci turda seçilmişdi, lakin hələ təsdiq prosesduru qurtarmamışdı).