Murakkab sharoitlarda neft va gaz quduqlarini qazish

Og‘irlashtirilgan eritmalar- Quduq tanasining yaxlitligini buzilishi va neft va gaz namoyon bo‘lishi bilan bog‘liq asoratlarning oldini olish uchun gilli eritmalarning zichligini 2200-2400 kg(m3 gacha ko‘tarish talab etiladi. Buning uchun gilli eritmalarga yuqori zichlikga ega bo‘lgan og‘irlashtiruvchi materiallar qo‘shiladi. Shunday qilib gilli eritmalarning zichligini talab etiladigan darajagacha ko‘tarish mumkin. Burg‘ilash jarayonida qo‘llaniladigan og‘irlashtiruvchilarni zichliklariga qarab ikki guruhga bo‘linadi:

Birinchi guruhga past zichlikli materiallar (2600-2900 kg(m3) kiradi. Bo’lar kam kolloidli gil, mergel, bo‘r va ohaktoshlar hisoblanadi. Bu turdagi og‘irlashtiruvchilar kam og‘irlashtirish qobiliyatiga ega. U faqat 1700 kg(sm3 gacha og‘irlashtirishni ta’minlaydi. Shuning uchun ular ko‘p miqdorda sarflanadi. Natijada eritmadagi qattiq fazaning miqdorini oshiradi va burg‘ilash samaradorligini pasaytiradi. Shuning uchun bu og‘irlashtiruvchilar ancha samarador og‘irlashtiruvchilar bo‘lmagan xollarda qo‘llaniladi.

Ikkinchi guruh og‘irlishtirgichlarga zichligi 3800-4000 kg(m³ bo‘lgan materiallar (temirli og‘irlashtirgichlar va barit) kiradi. Temirli og‘irlashtirgichlar (gematit, magnetit va boshqalar) ayrim kamchiliklarga (yuqori abrazivligi, suvda eruvchi tuzlarning ko‘p miqdorda bo‘lishi) ega. Odatda ular eritmaning sifatini va burg‘ilashning texnik-iqtisodiy ko‘rsatkichlarini pasaytiradi. Eng yaxshi og‘irlashtirgich bu barit hisoblanadi. Odatda, anomal bosimli qatlamlarni burg‘ilashda yuvish eritmasiga galenit (7400-7700 kg(m³), magnetit (5000-5200 kg(m3) kabi minerallarning qo‘shilishi hisobiga eritmalarning zichligini 2350-2400 kg(m3 gacha ko‘tarish mumkin.