Murakkab sharoitlarda neft va gaz quduqlarini qazish

Tuzli eritmalar - burg‘ilash eritmasini og‘irlashtirish darkor bo‘lgan sharoitlarda foydalaniladigan, tuz bilan to‘yintirilgan gilli burg‘ilash eritmalari. Bu eritmalar chuqurligi 2500-3000 m bo‘lgan tuzli qatlamlarni burg‘ilash vaqtida ko‘proq qo‘llaniladi.

Emulsion eritmalar - Quduqlarni burg‘ilashda ro‘y beradigan qiyinchiliklarni bartaraf etish uchun va ularni o‘z vaqtida oldini olish maqsadida tarkibida neft va neft mahsulotlari bo‘lgan eritmalar qo‘llaniladi. Emulsion gilli eritmalar quyidagi afzalliklarga ega:

a) burg’uning ish unumdorligin oshiradi;

b) burg‘ilashning Mexanik tezligini oshiradi;

v) burg‘ilash quvurlarining tutilish havfini kamaytiradi;

g) eritmaning suv beruvchanligi, gilli pardaning qalinligini kamaytiradi, ularning qovushqoqligini pasaytiradi, eritmaning xossalari yaxshi tartibga solinadi.

Emulsion gilli eritmalar boshlang‘ich gilli eritmalardan tayyorlanadi. Odatda emulgator sifatida kraxmal, natriyli karboksimetilsellyuloza, bentonit, lignit va boshqa moddalardan foydalaniladi. Ayrim xollarda gilli moddalar gilli eritmalar uchun emulgator hisoblanadi. Shuning uchun maxsus emulgator qo‘shmasdan emulsiya hosil qilish mumkin.