Murakkab sharoitlarda neft va gaz quduqlarini qazish

4-Maruza darsi: Burg’ilash quvurlar birikmasi va dolatolari
4.1. Burg‘ilash quvurlari birikmasining

tarkibi va qo‘llanilishi

Burg‘ilash quvurlari birikmasi (4.1-rasm) burg’uni (quduq tubi dvigateli va burg’u) yer usti asbobi (vertlyug) bilan birlashtirishga mo‘ljallangan. Ular quyidagi vazifalarni bajaradi:

rotordan burg’iga aylanma harakat uzatish (rotorli burg‘ilashda);

quduq tubi dvigatelidan reaktiv momentni qabo’l qilish;

yuvish eritmalarini turboburga (turbinali burg‘ilashda), burg’u va quduq tubiga uzatish (hamma burg‘ilash usullarida);

burg’u va gidravlik dvigatelga quvvat uzatish;

tok o‘tkazgichning alohida qismlarini yig‘ish (elektroburli burg‘ilashda);

burg’uga o‘q bo‘yicha yuklanishni hosil qilish;

burg’u, turbobur va elektroburlarni tushirish va ko‘tarish;

qo‘shimcha ishlarni bajarish (quduq tanalarini kengaytirish, quduqlarni yuvish, tutish ishlari, quduq chuqurligini tekshirish).

Burg‘ilash quvurlari birikmasi asosan ikki turli bo‘ladi.

a) burg‘ilash quvurlarining ikkala uchiga yirik rezbali qulflarni bog‘lash uchun mayda 8 tolali rezba chiqarilgan;

b) burg‘ilash quvurlarining ikkala uchiga yirik rezbali 4 tolali bog‘lovchilar payvandlangan.