Muqaddima

2. Sterjenlarni qirqish usuli (Ritter usuli).
Ferma sterjenlaridan ba’zi birida hosil bo’ladigan zo’riqishlarni aniqlash zarur bo’lsa, Ritter usuli masalaning javobini tezroq beradi. Bu usul quyidagidan iborat:
Ferma zo’riqishi aniqlanadigan sterjenlardan o’tuvchi biror kontur bilan fikran ikki qismga ajratilib, uning bir qismi muvozanati tekshiriladi. Tashlangan qismning ta’siri, kesilgan sterjenlar cho’ziladi deb qarab, sterjen o’qlari bo’ylab tashlangan qismi tomon yo’nalgan zo’riqishlar bilan almashtiriladi. Кo’rilayotgan qism uchun muvozanat sharti tuziladi. Ferma kontur bilan fikran ikki qismga ajratilganda, kesilgan sterjenlarning soni uchtadan oshmasligi shart, chunki uchtadan oshsa, tegishli zo’riqishlarning soni ko’payib, masala statik aniqmas bo’lib qoladi. Ritter masalalarni osonroq hal qilish uchun shunday tenglamalarni tuzishni taklif qildiki, bularda bittadan noma’lum zo’riqishlar qatnashadi. Agar kesilgan sterjenlar parallel bo’lmasa, u holda bunday tenglamalar no’malum zo’riqishlar kesishuvchi nuqtalarga nisbatan uchta moment tenglamalari bo’ladi. Bu nuqtalar Ritter nuqtalari deb ataladi. Agar ikkita sterjenlar parallel bo’lib qolsa, bitta Ritter nuqtasi mavjud bo’lmaydi. U holda uchinchi muvozanat tenglamasi uchun kuchlar proyeksiyalari yig’indisining nolga tengligini olamiz.