Muqaddima

O’RTA MIYA 
 
     O‘rta miya Varoliy ko‘prigi va miyacha oldida joylashgan. Uning dorsal yuzasini to‘rt 
tepalik  hosil  qiladi.  To‘rt  tepalik  oldingi  va  orqa  do‘mboqchalardan  iborat.  Silviy  suv 
yo`lining  ostidan  va  ikki  yonidan  yo‘g‘on  kalavaga  o‘xshash  miya  oyoqchalari  o‘tadi. 
Ular  ikki  tarafga  tarqalib,  bosh  miya  yarim  sharlariga  kiradi.  Miya  oyoqchalarining 
asosiy qismini tushuvchi o‘tkazuvchi  yo`llar tashkil qiladi. Oyoqchalarning ko‘ndalang 
kesimida ularni ikki qismga  bo`lib turuvchi pigmentlangan neyronlar to‘plarnini ko‘rish 
mumkin. Bu qora substansiya. Qora substansiya va Silviy suv yo`li oralig‘ida qizil yadro 
joylashgan.  O‘rta  miyada  to‘rt  tepalik,  qora  substansiya  va  qizil  yadrolardan  tashqari, 
ko‘zni harakatlantiruvchi va g‘altak nervlarning yadrolari, hamda ko‘ruv analizatorining 
faoliyatini boshqarishda ishtirok etadigan yana ikki yadro – Dorshkevich va Yakubovich 
yadrolari  bor.  Asosiy  qismi  keyingi  miyada  bo`lgan  to‘rsimon  formatsiya  o‘rta  miyaga 
ham ko‘tariladi.