Мундарижа кириш

Тадқиқот ишининг асосий масалалари ва фаразлари. Тадқиқот ишининг асосий масаласини араб романчилиги, хусусан, миср романчилигининг генезисини ўрганиш ва Нагиб Маҳфузнинг романчилик ривожига қандай ҳисса қўшганини ўрганишдир.
Тадқиқот мавзуси бўйича адабиётлар шарҳи. Адабиётшуносликда роман жанрига оид тадқиқотлар бир қанчадир.Ҳозирги кунга қадар кўплаб тилшунос ва адабиётшунос олимлар томонидан ушбу иш ҳар томонлама таҳлил ва тадқиқ қилинмоқда. Дунёнинг кўплаб адабиётшунос олимлари шу жумладан, Г.Я. Джугашвили ⁶ , Арасли Элман ⁷ , Г.Й.Нодирова,Эсалнек А.Я.⁸, А.А.Долинина, В.Н. Кирпиченко каби олимлар томонидан роман жанри мавзуси чуқур ўрганилган. Г.Я.Джугашвилининг “Алжирский франко язичний роман”, Арасли Элманнинг “ Джиржи Зайдан и арабский исторический роман”,А.Я. Эсалнекнинг “Анализ романногого текста” каби олимлар томонидан адабиётшуносликнинг долзарб мавзулари саналмиш жанрлар тавсифи,хусусан, араб романчилигининг ривожланиш генезиси чуқур тадқиқ этилган. Араб адабий жараёнлари ўзбек шарқшунос олимларимизнинг ҳам тадқиқот манбаига айланди. М.Акбарова⁹, Р.У.Ходжаева¹⁰, Д.Муҳиддинова¹¹ сингари ўзбек олимларининг ишлари фикримизнинг яққол исботидир. Замонавий араб адабиётини тадқиқ этишда буюк рус олими, академик И. Ю. Крачковский¹² илмий меросининг аҳамияти каттадир. У ўз тадқиқотларида замонавий араб адабиётини даврлаштиради ва шу консепцияга арабшунослар ҳалигача амал қилиб келмоқдалар. У замонавий араб адабиётининг муҳим тамойилларини кўрсатиб ўтди.
Араб адабиётидаги маърифатпарварлик даври ҳақида эса А.А. Долинина¹³ ўз тадқиқотларида тўлиқ ва етарлича маълумотлар акс эттирилган. Шу билан бирга ушбу монографияда адабиёт ривожида публицистиканинг роли, маърифатпарварлик романлари ва типологияси, маърифатпарварлик адабиётида сентиментализм, романтизм ва реализм каби ижодий методларининг пайдо бўлиши, Миср ва Сурия адабий мактаблари орасидаги услубий фарқлар ҳақида маълумотлар бериб ўтилган.
Ўзбек шарқшуносларидан Р.У.Ходжаева “Янги араб адабиёти тарихи” номли дарслик, маърифатчилик руҳидаги адабиёт ва бу жараёнларнинг янги араб насрининг шаклланишидаги ўрни масаласини батафсил ёритганлар.
М.Акбарованинг “Янги давр араб адабиёти” номли дарсликлари ва бир қатор мақолалари бевосита араб янги насри, хусусан, ҳикоячилик ва романчилик тараққиётига бағишланган.