Мундарижа кириш

III. Ток трансформаторлари.
Ток трансформаторларини иккиламчи чулғамларига уланган занжирларни (симларни) узиш қатъиян ман қилинади. Агарда бу занжирларни узиш зарурияти туғилган тақдирда, аввал узиш керак бўлган ердан олдинроқ жойга (ток трансформатори тарафга қараб) ток трансформатори томонини махсус улагич билан қисқа туташтириб қўйилиши шарт. Махсус улагич билан қисқа туташтиришни бажараётганда дастаси изоляцияланган асбобдан фойдаланиш зарур.
Ток трансформаторларида ёки унинг иккиламчи чулғамларига уланган занжирларда иш бажарилганда қуйидаги эҳтиёткорлик чораларига риоя қилиш талаб қилинади:
- ток трансформаторларини иккиламчи чулғами, унга уланиши керак бўлган занжирлардаги монтаж ишлари тамом бўлгунга қадар, қисқа туташтириб қўйилиши шарт. Монтаж қилинган занжирлари ток трансформаторларини иккиламчи чулғамига улангандан кейин қисқа туташтиргич яқинроқдаги қисқичлар йиғимига кўчирилиши ва у фақат ҳамма монтаж ишлари батамом тугатилиб, монтаж қилинган занжирларни тўғри уланганлигини текшириб чиқилгандан кейингина олиб ташланиши зарур;
- ток трансформаторларини иккиламчи чулғамига ўлчов асбоблари улангандан кейингина, уни бирламчи чулғамига қутбларни текшириш учун импульс (сигнал) берилади.
Ток трансформаторларини бирламчи чулғамини монтаж ва кавшарлаш ишларини бажариш учун ток ўтказувчи сифатида қўллаш қатъиян ман қилинади.


IV. Синов саволлари.
1. Электр мотор ёки механизмда иш олиб боришда қандай тадбирлар қўлланилади?
2. Қандай ҳолларда ва ишларда электр моторини ўчиришни амалга оширмаслик мумкин?
3. Қандай ҳолларда электр мотори кабел электр тармогини ерга улаш талаб килинмайди?
4. 1000 В кучланишгача бўлган электр моторда кўчма ерга улаш ускунаси қандай бўлиши керак?
5. Насослар, тутун мўрилари ва ҳаво юборувчи ускуналар электр моторларида ишлашга ижозат беришдан олдин қандай эҳтиёт хавфсизлик чоралари кўрилиши мумкин?
6. Юритмаси қўлдан бошқаралидиган юргизиш аппаратлари билан жиҳозланган электр моторларни улашда қандай хавфсизлик чоралари кўрилиши керак?
7. Узоқдан бошқариладиган коммутацион аппаратлар, ҳаволи ўчиргичларни электр тармоғига уловчи юки ёки уловчи пружиналар иш ҳолатида қандай хавфсизлик чоралари кўрилиши шарт?
8. Ўчиргичнинг калитларига қандай хавфсизлик шиорлари осиб қўйилиши керак?
9. Комплект тақсимловчи ускуналарда ишлар ва хавфсизлик чоралари.
10. Комплект тақсимловчи ускуналарни ташқарисидасги ишлар ва хавфсизлик чоралари.
11. Ток трансформаторларида бажариладиган ишлар ва хавфсизлик чоралари.