Mundarija kirish I bob maktab ota-onalar majlislarini tashkil etish 1

Mavzu: Maktab ota-onalar majlislarini tashkil etish


MUNDARIJA


Kirish
I BOB Maktab ota-onalar majlislarini tashkil etish
1.1 Majlis o’tkazishda o’qituvchining pedagogik mahorati
1.2 Ota-onalar majlislarini o’tkazish
II BOB Sinfda ota-onalar majlisini o`tkazishning metodik asosi va uning oldidagi takliflari
2.1 Ota-onalar sinf majlisini tashkil qilish metodikasi
2.2 Majlis davomida ota-onalar uchun so’rovnomalar va takliflar

Kirish
Oila – tarbiya o’chog’i, u jamiyatning bir bo’lagi, Vatan ichidagi mo’jaz Vatan. Oilada sog’lom muhit barqaror, ma’naviyat mustahkam bo’lsa, yurtimiz yanada farovon, mustaqilligimiz boqiy bo’ladi. Inson oilasi bag’rida ertangi, undan keyingi, bir umrlik faoliyati uchun kuch – quvvat to’playdi. Ayniqsa, xalqimiz barcha ezgu, orzu-umidlarini farzandlari, oilasi bilan bog’laydi.
O’zidagi barcha fazilatlarni, ming asrlik milliy qadriyatlarni oila muhitida farzandlariga singdirishga harakat qiladi. Shuning uchun oilani – millat qo’rg’oni, ma’naviyat qo’rg’oni deydilar.
Ota-onalar o’z farzandiga nafaqat moddiy e’tibor, balki ma’naviy tarbiya ham bermog’i, ularning qalb go’zalligiga erishmog’i uchun turli usullardan foydalana bilmog’i kerak.Bolalarga insoniy fazilatlar, asosan, sinf rahbari orqali singdiriladi.
O’qituvchi – sinf rahbari – o’quvchi – ota-onalarning o’zaro hamkorligi orqali esa bu jarayon maromiga yetkaziladi.
Kurs ishining maqsadi-Sinf majlislarini tashkil etish metodikasi o`rganish.
Kurs ishining vazifalari:
1)majlis o’tkazishda o’qituvchining pedagogik mahoratini o`rganish;
2)ota-onalar sinf majlisini tashkil qilish metodikasi;
3)majlis davomida ota-onalar uchun so’rovnomalar va takliflar;
Kurs ishining obyekti- Maktab hamda jamoatchilikning oila ma’naviyatini yuksaltirish jarayoni.
Kurs ishining predmeti- Maktab hamda jamoatchilikning oila ma’naviyatini yuksaltirish mazmuni.