Mundarija kirish I bob. Erkin iqtisodiy zonalar tashkil etishning nazariy-huquqiy asoslari

I BOB. Erkin iqtisodiy zonalar tashkil etishning nazariy-huquqiy asoslari

1. O'zbekistonda erkin iqtisodiy zonalarning tashkil etilishi va ularning huquqiy asoslari

O'zbekistonda EIZni tashkil etish iqtisodiyotni modernizatsiyalash va texnologik jihatdan qayta qurish jarayonidagi quyidagi muhim ustuvor vazifalarni amalga oshirish imkonini beradi:

• 
  hududlarni rivojlantirish;
  
• 
  yangi ishchi o'rinlarini yaratish; iqtisodiyotning noan'anaviy tarmoqlarini rivojlantirish;
  
• 
  ishlab chiqarish jarayoniga ilmiy ishlanmalarni joriy etish;
  

-xorijiy investitsiyalarni jalb etish asosida raqobatbardosh mahsulotlarni ishlab chiqarish va eksport qilish.
Mamlakatimizda erkin iktisodiy zonalar tashkil etish va ular faoliyatiga doir munosabatlar 1996 yil 25 aprelda qabul qilingan "Erkin iqtisodiy zonalar to'g'risida"gi O'zbekiston Respublikasi Qonuni bilan tartibga solinadi. Bu Qonun erkin iqtisodiy zonalarni tashkil etish tartibi, ularning turlari, mazkur zonalar ishtirokchilariga qo'shimcha imtiyoz va preferentsiyalar berish mexanizmini o'zida aks ettiradi. Unda "...Erkin ishlab chiqarish zonalari maqsadli ijtimoiy- iqtisodiy dastur bo'lib, yangi ishlab chiqarish munosabatlari asosida alohida olingan hududda tadbirkorlikni rag'batlantirish, iqtisodiyotning ustuvor tarmoqlariga xorijiy investitsiyalarni jalb etish, istiqbolli texnologiyalarni erkin raqobat, ma'muriy-iqtisodiy mustaqillik va o'zini o'zi mablag' bilan ta'minlash tamoyillari asosida joriy etilishidir. Bu maqsad uchun o'sha hududda joylashgan korxonalarni ijaraga olish, kooperativ, qo'shma va chet el korxonalarini qurish va ularni ekspluatatsiya qilish evaziga erishiladi", deb ta'kidlanadi.