Mundarija kirish I bob. Erkin iqtisodiy zonalar tashkil etishning nazariy-huquqiy asoslari

MUNDARIJA

Kirish

I BOB. Erkin iqtisodiy zonalar tashkil etishning nazariy-huquqiy asoslari

1.3 O'zbekistonda erkin iqtisodiy zonalarning tashkil etilishi va ularning huquqiy asoslari

II BOB. O'zbekistonda erkin iqtisodiy zonalar faoliyatini rivojlantirish istiqbollari

2.1.O'zbekistonda erkin iqtisodiy zonalar faoliyatining o'ziga xos xususiyatlari
2.2.O'zbekistonda erkin iqtisodiy zonalar tashkil etishning jahon tajribasini qo'llash imkoniyatlari
Xulosa

Foydalanilgan adabiyotlar ro'yxati

Kirish
Mavzuning dolzarbligi. Bugungi kunda O'zbekiston iqtisodiyotining barqaror o'sishiga erishishning muhim yo'nalishlaridan biri barcha ichki manbalardan unumli foydalanish hamda xorijiy investitsiyalarni faol jalb etishdir. Zero, xorijiy investitsiyalarni iqtisodiyotga keng jalb etilishi ishlab chiqarishni modernizatsiyalashga, raqobatdoshlikka erishish va dunyo bozorlariga chiqishga, import o'mini bosuvchi va eksportbob mahsulotlarni ishlab chiqarishga, aholini ish bilan ta'minlashga imkoniyat yaratadi. Mamlakatimizda investorlar, ayniqsa xorijiy investorlar uchun yaratilgan qulay investitsiya muhiti natijasida yildan- yilga iqtisodiyotimizga jalb etilayotgan investitsiyalar hajmi ortib bormoqda. O'zbekiston Respublikasi Prezidenti I.A.Karimov tomonidan 2012 yilda mamlakatimizni ijtimoiy-iqisodiy rivojlantirish yakunlari va 2013 yilga mo'ljallangan eng muhim ustuvor yo'nalishlarga bag'ishlangan O'zbekiston Respublikasi Vazirlar Mahkamasining majlisidagi ma'ruzasida: «2012 yilda iqtisodiyotimizga 11 milliard 700 million dollar miqdorida ichki va xorijiy investitsiyalar jalb etildi yoki bu boradagi ko'rsatkich 2011 yilga nisbatan 14 foizga o'sdi. Jami investitsiyalarning 22 foizdan yoki 2 milliard 500 milliondan ortig'ini xorijiy investitsiyalar tashkil etdi, ularning 79 foizdan ko'prog'i to'g'ridan-to'g'ri xorijiy investitsiyalardir»^I, deb ta'kidlanishi fikrimizning dalilidir. To'g'ridan-to'g'ri xorijiy investitsiyalarni jalb qilishga alohida e'tibor qaratilgan bo'lib, ularni rag'batlantirish borasida bir qator ishlar amalga oshirilmoqda. Ularga berilayotgan imtiyozlar, imkoniyatlar va kafolatlar tizimining amaldagi holati natijasida hukumat kafolati ostida kiritilgan xorijiy investitsiyalarga nisbatan to'g'ridan-to'g'ri xorijiy investitsiyalarning salmog'i yildan-yilga ortib bormoqda. Bu ko'rsatkichni yanada oshirish uchun xorijiy investitsiyalarni jalb qilishning asosiy shakllaridan biri bo'lgan erkin iqtisodiy zonalarni tashkil etish hamda mavjud erkin iqtisodiy zonalar faoliyatini yanada rivojlantirish talab etiladi. Iqtisodiyotni modernizatsiyalashtirish sharoitida investitsiya faoliyatini

hududlar miqyosida rivojlantirish alohida ahamiyat kasb etadi. Erkin iqtisodiy zonalarni tashkil etish orqali, nafaqat ayrim hududlarni, balki shu orqali butun respublika iqtisodiyotini rivojlantirishga erishish mumkin. Mamlakatning qaysi hududida, qaysi turdagi erkin iqtisodiy zonalarni tashkil etish bilan bog'liq masalalar respublika iqtisodchi olimlari va amaliyotchilari oldiga rejali iqtisodiyot davrida echilmagan vazifalarni qo'ymoqda. O'zbekiston iqtisodiyotiga chet el investitsiyalari va kreditlarini jalb qilish muammosi hozirda iqtisodiyotni barqarorlashtirishdagi, respublikani rivojlangan industrial mamlakatga aylantirishdagi ana shunday muhim muammolardandir.

Milliy iqtisodiyotning yangi sifat holatiga erishuvi uchun iqtisodiy siyosat sohasida yangi mezonlar va maqsadlar joriy etilishi talab qilinadi. Faqat erishilgan yutuqlarni shunchaki mustahkamlash emas, balki iqtisodiy o'sishning yangi sifatini ta'minlaydigan chora-tadbirlarni amalga oshirish lozim bo'ladi. Ana shunday jihatlardan biri, fikrimizcha, mamlakat hududlarining investitsiya salohiyatini tahlil qilish, xorijiy investitsiyalarni jalb qilish natijasida erishiladigan samaralarga, jumladan xorijdan zamonaviy texnika- texnologiyalar olib kirish va ularni o'zlashtirish; boshqaruv tajribalarini o'zlashtirish; yangi ish joylarini yaratish hamda innovatsiya loyihalarini o'zlashtirish hisoblanadi. Demak, hududlar iqtisodiyotining rivoji investitsiyalarni va kreditlarni qay darajada jalb qilish va ulardan qanchalik samarali foydalanish darajasiga bog'liqdir. Alohida hudud iqtisodiyotini rivojlantirishning samarali yo'llaridan biri - shu hududda erkin iqtisodiy zonani tashkil etishdir.