Mundarija kirish 1 Yon

3.2. Shahar, sanoat korxonalari va kichik aholi maskanlari yong‘inga qarshi suv ta’minoti sxemalarining o‘ziga xos tomonlari.

Hozirgi vaqtda shahar va tumanlarga uzatilayotgan umumiy suv miqdorining qariyeb 80 foizi yer yuzasida joylashgan suv manbalaridan va qolgan 20 foizga yaqini esa yer osti suv manbalaridan olinadi. Ammo suvning sifatiga ko‘ra yer osti suv manbalarining afzalligini inobatga olsak, so‘nggi paytlarda aholi yashash punktlaridagi aholining ko‘pchiligi yer osti suv manbalaridan foydalanmoqda (ҚMҚ 2.04.02-97 ning 3.5-bandi).

Suv manbaini tanlash har bir holat uchun texnik va iqtisodiy ko‘rsatkichlarga qarab, uning obyektdan uzoqligi, suvining sifati, manbaning suv berish quvvati va boshqa ko‘rsatkichlarini hisobga olgan holda amalga oshiriladi.

Quyidagi 1-rasmda daryo, kanal va shunga o‘xshash suv manbalaridan suv oluvchi shahar suv ta’minoti tizimining keng tarqalgan sxemasi ko‘rsatilgan. Bu sxemada daryodagi suv qabul qilgich 1 ga kelib tushadi va quvur 2 orqali qirg‘oq qudug‘i 3 ga, undan esa birinchi ko‘taruv nasos stansiyasi (NS–I) 4 nasoslari yordamida tindirgich 5 ga uzatiladi, keyin suv filtr 6 orqali o‘tib tozalanadi. Tozalash inshootlaridan suv toza suv rezervuarlari 7 ga kelib tushadi, undan esa ikkinchi ko‘taruv nasos stansiyasi (NS–II) 8 nasoslari yordamida suv eltuvchi quvurlar 9 orqali bosim rostlash inshootlari 10 (bosim suv minorasi va pnevmouskunalar)ga yoki to‘g‘ridan-to‘g‘ri tarmoqning magistral quvurlari 11 ga uzatiladi. Ulardan suv shaharning turli hududlariga yetkaziladi va tarqatuvchi 12 quvurlar va binolarga kirish 13 quvurlari orqali iste’molchilar 14 ga yetkaziladi.