Мундарижа I. Мамлакатни ижтимоий-иқтисодий ривожлантиришнинг 2018 йилги

2019 йилги якунларининг прогноз баҳоси
 
Ўзбекистон Республикаси ижтимоий-иқтисодий ривожланишининг 
2018 йилги асосий якунлари тўғрисида 
2017-2021 йилларда Ўзбекистон Республикасини ривожлантиришнинг 
бешта устувор йўналиши бўйича қабул қилинган Ҳаракатлар стратегиясида 
белгиланган устувор вазифаларни изчил амалга ошириш, жамиятнинг 
ижтимоий-иқтисодий соҳаларини янада ривожлантириш ва амалга оширилаётган 
таркибий ислоҳотлар самараси 2018 йил давомида иқтисодиётнинг барқарор, 
мувозанатлаштирилган ҳолда ривожланишини таъминлади. 
Натижада 2018 йилда мамлакатнинг ялпи ички маҳсулоти 5,1 фоизга ўсиб, 
407,5 трлн. сўмни ёки аҳоли жон бошига ҳисоблаганда 12,4 млн. сўмни ташкил 
этди ва бу кўрсаткич ўтган йилнинг мос даврига нисбатан 3,3 фоизга ошди. 
ЯИМ ўсиш суръати асосан саноат тармоғининг 10,6 фоизга, хизматлар 
соҳасининг 5,4 фоизга, қурилиш ишлари ҳажмининг 9,9 фоизга, қишлоқ, ўрмон 
ва балиқ хўжалигининг 0,2 фоизга, капитал қўйилмалар ҳажмининг 29,9 фоизга, 
чакана савдо айланмасининг 5,5 фоизга ва ташқи савдо айланмасининг 
25,8 фоизга ўсишига тўғри келди. 
Капитал қўйилмалар ҳажми қарийб 30 фоизга ошиб, ялпи ички 
маҳсулотдаги улуши 30,5 фоизни ташкил этди. Хусусан, Давлат бюджети ва 
давлат мақсадли жамғармалари ҳисобидан ижтимоий ва инфратузилма 
объектларида амалга оширилган қурилиш ва капитал таъмирлаш ишлари ҳажми 
21,6 фоизга ўсиб, 11,9 трлн. сўмни ташкил қилди. 2018 йилда жами 
ўзлаштирилган хорижий инвестициялар ҳажми 3,7 млрд. АҚШ долларини 
ташкил қилди. 
Иқтисодиётда фаолият кўрсатаётган кичик бизнес субъектлари сони 
229,7 мингдан 262,9 минга ёки 14,5 фоизга кўпайди. Бунга тадбикорликни 
ривожлантириш борасида амалга оширилган қуйидаги ислоҳотлар муҳим роль 
ўйнади: 
- кичик бизнес ва хусусий тадбиркорлик субъектларининг молиявий-
хўжалик фаолиятига боғлиқ бўлмаган режали текширувлар, шунингдек 
42 турдаги фаолиятга лицензиялар ва рухсатномалар бериш бекор қилинди 
ҳамда 25 фаолият тури учун лицензия ва рухсатнома бериш муддатлари 
қисқартирилди; 
- давлат мулки ҳамда ер участкаларини тадбиркорлик субъектларига 
электрон савдолар орқали бозор механизмлари жорий этилди; 

---

4 
- соғлом рақобат муҳити ривожланишини рағбатлантириш, бизнес учун тенг 
шароитлар яратиш бўйича комплекс чора-тадбирлар амалга оширилди ҳамда 
монопол корхоналар томонидан ишлаб чиқариладиган 27 турдаги юқори 
ликвидли товар, хомашё ва материалларни фақат биржа савдолари орқали сотиш 
механизми жорий этилди; 
- қишлоқ хўжалиги соҳасида турли даражадаги ишлаб чиқарувчилар 
ўртасида ҳисоб-китоб қилиш механизмлари йўлга қўйилди; 
- ёқилғи-энергетика ресурслари, нон, ун ва бошқа стратегик аҳамиятга эга 
товарлар нархларини шакллантиришнинг бозор механизмлари дастлабки 
босқичи амалга оширилди. 
20 та эркин иқтисодий зона ташкил этилиб, ушбу зоналарда 2018 йил 
давомида жами 1 690,3 млн. АҚШ доллари миқдорида 281 та инвестиция 
лойиҳаси ҳамда 135 та кичик саноат зонаси ташкил этилиб, 830,7 млрд. сўмлик 
жами 914 та лойиҳа амалга оширилди. 
Қишлоқ хўжалиги соҳасида мева-сабзавот маҳсулоти ишлаб чиқаришнинг 
кластер шаклини кенг жорий этишга кўмаклашадиган механизмлар яратилди. 
Республика бўйича жами 47 та мева-сабзавот (24,7 минг га) кластерлари ташкил 
этилди, давлат ресурсларидан озуқа мақсадида ажратиладиган буғдойни 
чорвачилик ва балиқчилик йўналишидаги тадбиркорлик субъектларига биржа 
савдолари орқали сотиш тартиби жорий этилди. 
Шунга қарамай, ноқулай об-ҳаво шароити ва сув танқислиги туфайли 
қишлоқ хўжалиги маҳсулотларини ишлаб чиқариш ҳажми 0,2 фоизга камайиши 
кузатилди. 
Рақобатбардош ишлаб чиқаришни рағбатлантириш, соғлом рақобат 
муҳитини қўллаб-қувватлаш, шунингдек маҳаллий экспортчилар учун савдо 
шароитларини яхшилаш бўйича амалга оширилган чора-тадбирлар ва асосий 
экспорт товарлари нархларининг жаҳон бозор конъюнктурасидан ошиши 
натижасида товар ва хизматлар экспорти 13,6 фоизга ошди. 
Аҳоли фаровонлигини ошириш соҳасида:
Бюджет ташкилотларида ишловчи ходимларининг иш ҳақи, пенсия ва 
стипендия миқдорлари инфляция доирасида оширилиб, айрим соҳа ходимлари 
(ўқитувчилар, тиббиёт ходимлари, маданият соҳаси, давлат бошқаруви 
органлари ходимлари)га эса иш самарадорлигини оширишга ва фаолиятини 
рағбатлантиришга қаратилган алоҳида қарорлар қабул қилинди; 
“Обод қишлоқ” ва “Обод маҳалла” Давлат дастурлари доирасида аҳоли 
пунктида яшаш шароитларини яхшилашга барча молиялаштириш манбалари 
ҳисобидан 478 та қишлоқ учун 4,5 трлн. сўмлик ва 116 та маҳалла учун 
1,7 трлн. сўмлик маблағ йўналтирилди. 

---

 5