Мундарижа I. Мамлакатни ижтимоий-иқтисодий ривожлантиришнинг 2018 йилги

Мамлакатни ижтимоий-иқтисодий ривожлантиришнинг 2019 йилги 
кутилаётган натижалари 
Ўзбекистон Республикасининг 2019 йилги асосий макроиқтисодий 
кўрсаткичлари прогнози таҳлили шуни кўрсатадики, ялпи ички маҳсулот ҳажми 
йил охиригача 524,2 трлн. сўмни ташкил қилиши кутилмоқда. 
Жорий йилда саноат 6,4 фоизга, қишлоқ хўжалиги 3,0 фоизга ва хизматлар 
6,1 фоизга ўсиши кутилаётган бўлиб, натижада ЯИМнинг 5,5 фоизга ўсиши 
кутилмоқда. 
Капитал қўйилмалар ўтган йилга нисбатан 28,6 фоизга ўсиб, 
183,7 трлн. сўмни ёки ялпи ички маҳсулотга нисбатан 35,0 фоизни ташкил этиши 
кутилмоқда. Чакана савдо айланмаси солиштирма нархда 5,7 фоизга ўсиши ва 
159,6 трлн. сўмга етиши ҳисоб-китоб қилинди. 
Капитал қўйилмалар миқдорининг ва умуман олганда иқтисодиётда ялпи 
талабнинг ўсиши ҳисобига импорт ҳажмининг 2018 йилга нисбатан 25,4 фоизга 
ўсиши ва 24,4 млрд. АҚШ долларини ташкил этиши кутилмоқда. 
Экспортни рағбатлантириш, хусусан маҳаллий маҳсулотларни ташқи 
бозорга олиб чиқишни ҳар томонлама соддалаштириш ҳамда молиявий қўллаб-
қувватлаш борасида амалга оширилаётган ишлар натижасида экспорт ҳажми 
35,7 фоизга ўсиб, 19 млрд. АҚШ долларига етиши ҳисоб-китоб қилинди. 
Натижада ташқи савдо баланси 5,4 млрд. АҚШ доллари миқдорида манфий 
сальдога эга бўлиши кутилмоқда. 
2019 йилда инфляция даражаси дастлабки прогнозлардан бир оз юқори 
бўлиб, 15,5 фоиз чегарасида бўлиши кутилмоқда. Инфляция даражасига давлат 
томонидан тартибга солинадиган нархларни либераллаштириш ва энергия 
ресурслари таннархини мақбуллаштириш борасида босқичма-босқич амалга 
оширилаётган ишлар, банклар томонидан ажратилган кредитлар ҳажмининг ва 
бюджет харажатларининг юқори суръатда ўсиши ҳисобига иқтисодиётда ялпи 
талабнинг кўпайиши каби омиллар таъсир қилди. Электр энергия нархи 2019 йил 
15 августдан жисмоний шахслар учун 18 фоизга, юридик шахслар учун 
36 фоизга оширилди. Шунингдек, табиий газ нархи 18,7 фоизга оширилди. 

---

6