Мундарижа I. Мамлакатни ижтимоий-иқтисодий ривожлантиришнинг 2018 йилги

Фискал мақсадлар 
2020 йилги Давлат бюджетини Молия вазирлиги Халқаро валюта 
жамғармаси экспертлари билан келишилган ҳолда жаҳон стандартларига мос 
равишда ишлаб чиқди ва бу давлатнинг молия-иқтисодиёт тизимини ҳақиқий 
имкониятлари ва аҳволини тўғри акс эттиради. 
Хусусан, давлат бошқарув сектори бюджетини тўлиқ акс эттириш 
мақсадида, келгуси йилдан умумий фискал баланс кўрсаткичи киритилиб, бу ўз 
ичига Ўзбекистон Республикаси Консолидациялашган бюджети балансини 
ҳамда Давлат бюджети маблағлари ҳисобидан қопланадиган ташқи қарз 
ҳисобига Давлат дастурларини амалга оширишга йўналтирилган харажатларни 
олади. 
Шу билан бирга давлат қарзинининг асосий қисмини қоплаш Давлат 
бюджети харажатлари эмас балки молиявий жараён (яъни, давлат мажбуриятини 
камайиши) ҳисобланиб, харажатларни 2 марта акс эттирмаслик мақсадида 
харажатларда кўрсатилмаяпти. 

---

 61 
Натижада 2020 йилда умумий фискал баланс параметрлари ЯИМга 
нисбатан 2,7 фоиз дефицит билан режалаштирилмоқда. 2021-2022 йилларда эса 
дефицит миқдори тегишинча 2,1 ва 1,5 фоизга камайиши прогноз қилинган 
бўлиб, бу макроиқтисодий барқарорликни таъминлашга, инфляция кўрсаткичига 
фискал омилларни салбий таъсирини бартараф этади. 
Умумий фискал дефицитни камайтирилиши Давлат молия тизимини 
барқарорлигини таъминлаш, сўнгги йилларда юритилган проциклик фискал сиёсатни 
ўрта муддатли даврда макроиқтисодий барқарорликга (яъни, инфляция, миллий 
валюта курси, жорий тўлов балансига) салбий таъсирини олдини олиш имконини 
беради. 
Консолидациялашган бюджет тақчиллиги 2020 йилда 0,5 фоиз бўлиши 
режалаштирилган бўлиб, 2019 йилги кутилаётган бюджет тақчиллигига нисбатан 
(1,3 фоиз) камайган. Бюджет тақчиллиги давлат бюджети ва давлат мақсадли 
жамғармаларнинг йил бошига маблағлари, ички ғазначилик облигацияларини 
чиқариш, бюджетни қўллаб-қувватлаш учун бериладиган чет эл имтиёзли 
кредитлари ҳисобига қопланади. 
Бундан ташқари, Давлат қарзини кескин ошиб кетмаслигини таъминлаш 
мақсадида, 2020 йилда Давлат мақсадли дастурларини амалга ошириш учун 
Ўзбекистон Республикаси номидан ёки Ўзбекистон Республикаси кафолати 
остида жалб қилинган (ўзлаштирилган) ҳамда Давлат бюджети маблағлари 
ҳисобидан 
қопланадиган 
ташқи 
қарзнинг 
чекланган 
ҳажми 
1,5 млрд. АҚШ доллари миқдорида тасдиқланади. 
Шу билан бирга, консолидациялашган бюджет баланслилигини сақлаш 
мақсадида Ўзбекистон Республикаси Тикланиш ва тараққиёт жамғармаси 
ресурсларини фақат унинг даромадлари доирасида ажратиш белгиланган. 
Шунингдек, 2020 йилдан бошлаб Ўзбекистон Республикаси Тикланиш ва 
тараққиёт жамғармасининг стратегик маҳсулотларни сотишдан тушадиган 
даромадларини Давлат бюджетига йўналтириш кўзда тутилмоқда.