Мундарижа I. Мамлакатни ижтимоий-иқтисодий ривожлантиришнинг 2018 йилги

30 фоизга ўсиш чегараси белгиланган
. 
Жисмоний шахсларга тегишли бўлган кўчмас мулкни баҳолаш тартибини 
янада такомиллаштириш, улар бўйича мулк солиғини ҳисоблаш ва мулкнинг 
ҳақиқий қийматидан келиб чиққан ҳолда адолатли солиққа тортишни таъминлаш 
мақсадида, жорий йилда кўчмас мулк турар жойларининг кадастр қийматини 
аниқлашнинг амалдаги тартибини қайта кўриб чиқиш режалаштирилмоқда. 
Ушбу иш объектларнинг бозор қиймати, турар-жой фондининг жойлашиши, кўп 
қаватли биноларда квартираларнинг (қаватда, охирида) жойлашиши, эскириш 
даражаси ва бозор қийматининг шаклланишига таъсир кўрсатадиган бошқа 
омиллар каби баҳолаш объектининг базавий қийматига нисбатан нархларни 
аниқлаш омилларини қайта кўриб чиқишни ҳисобга олади. 
Ушбу билан бир қаторда, таклиф этилаётган ўзгаришлар кўчмас мулкнинг 
якуний нархига таъсирини баҳолаш учун Тошкент шаҳрининг Мирзо Улуғбек 
туманида жойлашган кўчмас мулк мисолида, кўчмас мулк турар жойларининг 
кадастр қийматини аниқлаш тартиби синовдан ўтказилади. 

---

 59 
Синов натижаларини инобатга олган ҳолда, турар жой фондидаги кўчмас 
мулк объектларининг кадастр қийматини аниқлашнинг амалдаги тартибини, уни 
босқичма-босқич амалга оширишни ҳисобга олган ҳолда, такомиллаштириш 
бўйича таклифлар Ўзбекистон Республикаси Вазирлар Маҳкамасига тақдим 
этилади: 
биринчи босқичда (2020-2021 йилларда) – Тошкент шаҳрига; 
иккинчи босқичда (2021-2022) – республиканинг бошқа минтақаларига. 
Солиқ сиёсатидаги ўзгаришларнинг самаралари 
1. Қўшилган қиймат солиғи ставкасининг 2019 йил 1 октябрдан 20 фоиздан 
15 фоизга тушиши натижасида йиллик ҳисобда 10 трлн. сўм йўқотилади ва 
фойда солиғи ставкасининг 12 фоиздан 15 фоизгача оширилиши бюджетга 
тушумларни йиллик ҳисобда 1,9 трлн. сўмга (фойда солиғи) оширади. 
Қўшилган қиймат солиғи ҳисобидан бўшаган маблағларни ишлаб 
чиқарувчилар ва истеъмолчилар ихтиёрида қолдирилиши нодавлат секторида 
инвестициялар ва истеъмолнинг кўпайишига, ўз навбатида иқтисодий ўсишга 
ижобий таъсир қилади. 
Шунингдек, нархларни барқарорлашувига ижобий таъсир қилиб, нолегал 
оборот ҳажмини қисқартиришга шарт-шароит яратади.
Мазкур йўқотишлар қуйидагилар ҳисобига қопланади: 
мавжуд имтиёзларнинг бекор қилиниши натижасида 6-7 трлн. сўм; 
солиқ ва божхона маъмурчилигини кучайтириш бўйича топшириқлар 
оқибатида 5,4 трлн. сўм (2020 йил бюджетида ҳисобга олинган); 
айрим турдаги акциз солиғи ставкаларини ошириш ҳисобига 1,3 трлн. сўм. 
Қўшилган қиймат солиғи ставкасининг камайтирилиши, солиқ тўлашнинг 
барча босқичларида ё ҳар бир субъектнинг фойдасини оширади, ё солиқ тўлаш 
босқичларида нархларнинг пасайишига ва солиқ тўловчилар айланма маблағлари 
кўпайишига олиб келади.
2. Давлат улуши 50 ва ундан юқори бўлган корхоналарда ижтимоий солиқ 
ставкасининг 12 фоиз миқдорида ўрнатилиши Пенсия жамғармаси 
даромадларини 2,9 трлн. сўмга камайтиради. 
Ижтимоий солиқ ставкасининг камайтирилиши давлат корхоналари 
маҳсулотлари ва хизматлари таннархининг камайишига олиб келади ва хусусий 
корхоналар билан бир муҳитда рақобат қилиш шароитини яратади. Бу эса Давлат 
корхоналарининг фойдасини ёки иш хақи фондини ошириш имконини беради.