Мундарижа I. Мамлакатни ижтимоий-иқтисодий ривожлантиришнинг 2018 йилги

Давлат кафолатлари 
Ҳукумат томонидан давлат корхоналарининг, биринчи навбатда ижтимоий-
иқтисодий ривожланишни қўллаб-қувватлаш учун жалб қилинган айрим 
маблағларига давлат кафолати берилган. Шундан аксарият қисми давлат 
корхоналари томонидан икки томонлама кредиторлардан ва тижорат 
банкларидан олинган чет эл маблағларига берилган кафолатлар ҳисобланади. 
Ҳар хил давлат корхоналари томонидан четдан жалб қилинган маблағларга 
80 тага яқин давлат кафолатлари берилган бўлиб, шундан 27 таси Давлат 
бюджети маблағлари ҳисобидан қопланади. 
Бундан ташқари, 2019 йилнинг 1-ярим йиллигида ички қарздорликлар 
бўйича берилган кафолатлар ҳажми 34 трлн. сўмни ташкил этиб, ички 
кафолатлар 
асосан 
давлат 
корхоналарининг 
(ОТМК, 
Ўзбекнефтгаз, 
Ўзкимёсаноат, “Ўзбекистон темир йўллари” давлат корхонаси ва бошқалар) 
Ўзбекистон Республикасининг Тикланиш ва тараққиёт жамғармаси ҳамда 
республиканинг тижорат банклари олдидаги қарздорликлари бўйича тақдим 
этилган. 
Молия секторига таъсири 
Ўзбекистон Республикасининг “Фуқароларнинг банклардаги омонатларини 
ҳимоялаш 
кафолатлари 
тўғрисида”ги 
Қонунига 
мувофиқ, 
Ўзбекистон 
Республикаси Марказий банки томонидан банкнинг банк операцияларини ўтказиш 
ҳуқуқини берувчи лицензияси чақириб олинган тақдирда, Фуқароларнинг 
банклардаги омонатларини кафолатлаш жамғармаси фуқароларнинг банклардаги 
депозитлари учун компенсация тўланишини кафолатлайди. 

---

 71 
Фуқароларнинг банклардаги омонатларини кафолатлаш жамғармасида 
республиканинг 27 та тижорат банки қатнашади. Ушбу банкларда фуқаролар 
томонидан жойлаштирилган барча омонатлар чегарасиз кафолатланади. Бундан 
ташқари, АТ “Халқ банки”да жойлаштирилган барча депозитлар Ўзбекистон 
Республикаси Ҳукумати томонидан кафолатланади. 2019 йил охирига 
Фуқароларнинг банклардаги омонатларини кафолатлаш жамғармаси ва АТ 
“Халқ банки” томонидан кафолатланган депозитларнинг жами суммаси 
68,2 трлн. сўмни ёки ЯИМга нисбатан қарийб 24 фоизни ташкил этган. 
Фуқароларнинг банклардаги омонатларини кафолатлаш жамғармаси маблағлари 
компенсацияларни қаноатлантиришга етмаган тақдирда, Ҳукумат томонидан 
жамғарма тақчиллигини қоплаш учун, кейинчалик жамғармага тушган 
даромадлардан қайтариш шарти билан кредит маблағлари ажратилади. Ҳозирги 
вақтгача Фуқароларнинг банклардаги омонатларини кафолатлаш жамғармаси 
томонидан фуқароларга компенсация тўлаш ҳолатлари кузатилмаган.